ചിത്രങ്ങളിലൂടെ

കേൾവികേട്ട കേരളത്തിന്റെ സാംസ്ക്കാരിക വൈവിദ്ധ്യവും കടൽക്കരയിലെ സൂര്യസ്നാനവും അനുഭവിച്ചു കഴിഞ്ഞാൽ കേരളത്തിലെത്തുന്ന സഞ്ചാരികൾ കാണാനാ​ഗ്രഹിക്കുക ആദിമവന്യത ഉറഞ്ഞ കാടകങ്ങളും അനിർവചനീയമായ ശാന്തി പകരുന്ന കാട്ടാറിൻ തീരങ്ങളുമായിരിക്കും. അധികമാരും കടന്നു ചെന്നിട്ടില്ലാത്ത പ്രകൃതിയുടെ നിർമ്മല തീരങ്ങളിലേക്ക് തുറക്കുന്ന വാതിലുകളാണ് ഓരോ പരിസ്ഥിതി സൗഹൃദ വിനോദ സഞ്ചാര കേന്ദ്രങ്ങളും.