ലോക പൂക്കള മത്സരം 2021
ഈ ഓണക്കാലത്ത്‌ ലോകമെങ്ങുമുളള മലയാളികള്‍ക്കും കേരളത്തെ ഇഷ്ടപ്പെടുന്നവര്‍ക്കുമായി കേരള ടൂറിസം സവിശേഷമായൊരു മത്സരം നടത്തുകയാണ്‌. ഓരോരുത്തര്‍ക്കും തങ്ങളുടെ വീടുകളിലിരുന്നു തന്നെ പങ്കെടുക്കാവുന്ന, ഓണത്തിന്റെ അവിഭാജ്യ ഘടകമായ അത്തപ്പൂക്കള മത്സരം.
മത്സരത്തിന്‌ പ്രായപരിധിയോ എന്‍ട്രി ഫീസോ ഇല്ല. പങ്കെടുക്കാനായി www.keralatourism.org/contest/pookkalam2021 എന്ന ലിങ്ക്‌ സന്ദര്‍ശിച്ച്‌ രജിസ്റ്റര് ചെയ്യുക. രജിസ്‌ട്രേഷന്‍ പൂര്‍ത്തിയാവുമ്പോള്‍ നിങ്ങള്‍ക്കൊരു രജിസ്‌ട്രേഷന്‍ കോഡ്‌ ഇമെയിലായി ലഭിക്കും. ഈ കോഡ്‌ പൂക്കളത്തിനരികെ വായിക്കാന്‍ പറ്റുന്ന രീതിയില്‍ രേഖപ്പെടുത്തണം.
ഓണ്‍ലൈനായി സംഘടിപ്പിക്കുന്ന അത്തപ്പൂക്കള മത്സരം രണ്ടു വിഭാഗങ്ങളായാണ്‌ നടത്തുന്നത്‌. കേരളത്തില്‍ താമസിക്കുന്നവര്‍ക്കും കേരളത്തിനു പുറത്തുളളവര്‍ക്കും. ഓരോന്നിലും വ്യക്തിഗത വിഭാഗവും ഗ്രൂപ്പു വിഭാഗവുമായാണ്‌ മത്സരം.
രജിസ്‌ട്രേഷന്‍ കോഡ്‌ കാണാവുന്ന രീതിയില്‍ പൂക്കളത്തിന്റെ ഫോട്ടോയും മത്സരാര്‍ഥികളുടെ (കുടുംബഫോട്ടോ അഭികാമ്യം) ഫോട്ടോയും ചേര്‍ന്നതാണ്‌ ഒരു എന്‍ട്രി. രജിസ്‌ട്രേഷന്‍ കോഡ്‌ ഇല്ലാത്ത എന്‍ട്രികള്‍ അസാധുവായി കണക്കാക്കും. ഫോട്ടോകള്‍ .jpg ഫോര്‍മാറ്റിലാണ്‌ അയയ്‌ക്കേണ്ടത്‌. മിനിമം സൈസ്‌ 1 MB യും പരമാവധി 5 MB യുമാണ്‌. ഇത്തരത്തില്‍ ഒരു വിഭാഗത്തില്‍ 5 എന്‍ട്രികള്‍ വരെ അയയ്‌ക്കാം. ഫോട്ടോകള്‍ക്കൊപ്പം ശീര്‍ഷകവും ചെറു വിവരണവും വേണം.
ഫോട്ടോകള്‍ അപ്‌ലോഡ്‌ ചെയ്യാനുളള സമയം ഓഗസ്‌റ്റ്‌ 13 മുതല്‍ 23 ഇന്ത്യന്‍ സമയം അര്‍ദ്ധരാത്രി 12 വരെയാണ്‌.
മൂല്യ നിര്‍ണയം
രണ്ടു ഘട്ടമായാണ്‌ സമ്മാനാര്‍ത്ഥികളെ തെരഞ്ഞടുക്കുന്നത്‌. ടൂറിസം വകുപ്പ്‌ നിയോഗിക്കുന്ന ഒരു കലാകാരനോ കലാനിരൂപകനോ ആയിരിക്കും ഫോട്ടോകളുടെ ആദ്യഘട്ട തെരഞ്ഞെടുപ്പ്‌ നടത്തുക. ഇങ്ങനെ തെരഞ്ഞെടുക്കുന്ന മികച്ച 100 എന്‍ട്രികളില്‍ നിന്ന്‌ കലാവിദഗ്‌ധരുടെ സമിതി വിജയികളെ നിര്‍ണയിക്കുന്നതായിരിക്കും. ചിത്രങ്ങളുടെ ഭംഗിയും സമൂഹ മാധ്യമങ്ങളില്‍ അവയ്‌ക്കു ലഭിക്കുന്ന സ്വീകാര്യതയും കണക്കിലെടുത്താണ്‌ സമ്മാനം നല്‍കുക.സമ്മാനങ്ങള്‍
ഓരോ വിഭാഗത്തിലും ആകര്‍ഷകമായ ആദ്യ മൂന്നു സ്ഥാനങ്ങള്‍ക്കു പുറമെ നാല്‌പതു പ്രോത്സാഹന സമ്മാനങ്ങളുമുണ്ട്‌. കൂടാതെ പങ്കെടുക്കുന്ന എല്ലാവര്‍ക്കും സര്‍പ്രൈസ്‌ സമ്മാനങ്ങളും നല്‍കുന്നതാണ്‌.നിയമാവലി
മത്സരാര്‍ത്ഥികള്‍ക്ക്‌ www.keralatourism.org/contest/pookkalam2021 എന്ന ലിങ്കില്‍ രജിസ്റ്റര് ചെയ്യാം. രജിസ്‌ട്രേഷന്‍ പൂര്‍ത്തിയാക്കുമ്പോള്‍ നിങ്ങള്‍ക്കൊരു രജിസ്‌ട്രേഷന്‍ കോഡ്‌ ഇമെയിലായി ലഭിക്കും. ഈ കോഡ്‌ പൂക്കളത്തിനരികെ വായിക്കാന്‍ കഴിയുന്ന രീതിയില്‍ രേഖപ്പെടുത്തണം.രജിസ്‌ട്രേഷന്‍ പൂര്‍ത്തിയാക്കുമ്പോള്‍ ലഭിക്കുന്ന ലോഗിന്‍ ക്രെഡന്‍ഷ്യല്‍ ഉപയോഗിച്ച്‌ ലോഗിന്‍ ചെയ്യാം. ഓരോ വിഭാഗത്തിലും പരമാവധി അഞ്ച്‌ (5) എന്‍ട്രികള്‍ വരെ നല്‍കാവുന്നതാണ്‌.
ഓരോ എന്‍ട്രിയിലും രണ്ട്‌ ഫോട്ടോകള്‍ ഉണ്ടായിരിക്കണം. 1) രജിസ്‌ട്രേഷന്‍ കോഡ്‌ വായിക്കാവുന്ന രീതിയിലുളള പൂക്കളത്തിന്റെ ഫോട്ടോ. രജിസ്‌ട്രേഷന്‍ കോഡ്‌ ഇല്ലാത്ത എന്‍ട്രികള്‍ അസാധുവായി കണക്കാക്കും. 2) മത്സരാര്‍ത്ഥി(കളുടെ) ചിത്രം - പൂക്കളത്തിനരികെ കുടുംബസമേതമോ അല്ലാതെയോ ഉളളത്‌. എന്‍ട്രികള്‍ക്ക്‌ ശീര്‍ഷകവും ചെറുവിവരണവും ഉണ്ടായിരിക്കണം.
നിയമാവലി വായിക്കുക
എല്ലാവരും ഇന്നുതന്നെ രജിസ്റ്റര് ചെയ്യൂ. ഈ ഓണം കേരള ടൂറിസത്തിനൊപ്പമാവട്ടെ. എല്ലാ വീടുകളിലും, ലോകം മുഴുവനും പ്രതീക്ഷകളുടെ നൂറായിരം പൂക്കളങ്ങള്‍ നിറയട്ടെ.