ഇസ്ലാം മത വിശ്വാസികളെ സംബന്ധിച്ചിടത്തോളം അവരുടെ ജീവിതത്തിലെ ഏറ്റവും പ്രധാനപ്പെട്ട ആത്മീയ കർമ്മമാണ് നിസ്കാരം.
ഒരേ രീതിയിലും, ഒരേ സമയത്തും കൈയ്യും, തലയും ചലിപ്പിച്ചും ഒരുമിച്ച് ഇസ്ലാമിക വചനങ്ങള് ഉരുവിട്ടും, ഇസ്ലാമിക പ്രാര്ത്ഥനാ കൂട്ടായ്മയില് നിസ്കാരത്തില് നിരനിരയായി പുരുഷന്മാര് അണിനിരക്കുന്നു. ദിവസവും അഞ്ചു തവണ ആവര്ത്തിക്കുന്ന ഈ കൂട്ടായ്മ അച്ചടക്കം, അര്പ്പണം, ആരാധന എന്നിവയുടെ പ്രദര്ശനമാകുന്നു. ഓരോ നിസ്കാരത്തിനും പ്രത്യേകം പേരുകൾ ഉണ്ട്.
സുബഹി (പ്രഭാതത്തിന് മുൻപ്), ളുഹർ (ഉച്ചയ്ക്ക്), അസർ (വൈകുന്നേരം), മഗ്രിബ് (അസ്തമയത്തിന് തൊട്ടുപിന്നാലെ), ഇഷാ, (രാത്രിയിൽ) എന്നിവയാണ് ഈ അഞ്ചു നിസ്കാരങ്ങൾ
നിസ്കാരം എന്നത് കേവലം ഒരു ശാരീരിക കർമ്മമല്ല, മറിച്ച് സൃഷ്ടാവായ അല്ലാഹുവുമായുള്ള ഒരു വിശ്വാസിയുടെ നേരിട്ടുള്ള സംഭാഷണമാണ്. ഇത് മനസ്സിന് ശാന്തിയും അച്ചടക്കവും നൽകുന്നു.
പള്ളിയിൽ ഒത്തുകൂടി ഒരു ഇമാമിന് പിന്നിലായി നടത്തുന്ന നിസ്കാരത്തിന് കൂടുതൽ പുണ്യമുള്ളതായി വിശ്വാസികൾ കരുതുന്നു.
