കോഴിക്കോട്ടെ ഷെയ്ഖ് ജിഫ്രിയുടെ ദര്ഗയില് ഖുറാന്റെ പുരാതനമായ ഒരു കൈയ്യെഴുത്തു പ്രതി സൂക്ഷ്മമായി സംരക്ഷിച്ച് സന്ദര്ശകരുടെ കാഴ്ചക്കായി പ്രദര്ശനത്തിനുണ്ട്. ഈ കൈയ്യെഴുത്തു പ്രതിയിലെ സൂക്ഷ്മവും, ലോലവും ആയ അക്ഷരകല, കാലപഴക്കം വന്ന് ദുര്ബലമായ പേജുകളില് ആ വിശുദ്ധന്റെ സാക്ഷ്യവും, പാണ്ഡിത്യവും ആത്മാര്പ്പണവുമായി കാഴ്ചക്കാരുടെ മുന്നില് തെളിഞ്ഞു വരുന്നു. ഒരു ദര്ഗയുടെ സ്ഥാനം അതോടെ ആരാധനാസ്ഥലം എന്നതിനൊപ്പം സാംസ്കാരിക, മതാത്മക സംരക്ഷണ സ്ഥലവുമായി മാറുന്നു.
ഏകദേശം നൂറ്റാണ്ടുകൾ പഴക്കമുള്ള ഈ കൈയെഴുത്തുപ്രതി, ശൈഖ് ജിഫ്രി തങ്ങൾ യെമനിൽ നിന്ന് കോഴിക്കോട്ടേക്ക് വരുമ്പോൾ കൂടെ കൊണ്ടുവന്നതാണെന്ന് വിശ്വസിക്കപ്പെടുന്നു.
പ്രത്യേക തരം മഷി ഉപയോഗിച്ച് വളരെ മനോഹരമായി കൈപ്പടയിൽ എഴുതപ്പെട്ടതാണിത്. കാലപ്പഴക്കം വന്നിട്ടും ഇതിലെ അക്ഷരങ്ങൾ ഇന്നും വ്യക്തമായി വായിക്കാൻ സാധിക്കും എന്നത് ഇതിന്റെ പ്രത്യേകതയാണ്. ചരിത്ര ഗവേഷകർക്കും വിശ്വാസികൾക്കും ഒരുപോലെ താൽപ്പര്യമുള്ള ഒന്നാണിത്.
കേരളത്തിലെ ഇസ്ലാമിക ചരിത്രവും അറബിക് ലിപി വിന്യാസവും പഠിക്കുന്നവർക്ക് ഈ കൈയെഴുത്തുപ്രതി വലിയൊരു അറിവാണ്.
കോഴിക്കോട്ടെ ഷെയ്ഖ് ജിഫ്രിയുടെ ദര്ഗയിലെ പ്രധാനപ്പെട്ട വിശുദ്ധ സ്ഥാനം, വിശുദ്ധന്റെ കബര്, വര്ണ്ണാങ്കിതമായ ചിത്ര തയ്യല് വേലകളോടു കൂടിയ പട്ടു വസ്ത്രങ്ങളാല് മൂടിയും, വിളക്കുകള്, തൂക്കു വിളക്കുകള്, ഖുറാന് വച്ച തട്ടുകള് എന്നിവയാല് വേര്തിരിക്കപ്പെട്ടും നിലകൊള്ളുന്നു. ഈ വിശുദ്ധ സ്ഥലം ഇന്നും ഒട്ടേറെ വിശ്വാസികളുടെ അഭയ സ്ഥാനമാണ്. നൂറ്റാണ്ടുകളുടെ ആദരവും, അര്പ്പണവും ഹദ്രാമി സൂഫി വിശുദ്ധന്റെ സാക്ഷ്യത്തിനും, മാര്ഗ്ഗ ദര്ശത്വത്തിനും ഇന്നും പ്രസക്തം തന്നെ എന്നു ഇതു കാണിക്കുന്നു.
കോഴിക്കോട്ടെ ആത്മീയ ചരിത്രത്തിൽ വലിയ സ്ഥാനമുള്ള ഇടമാണ് ജിഫ്രി ദർഗ. യെമനിലെ ഹളർമൗത്തിൽ നിന്ന് കോഴിക്കോട്ടെത്തിയ പ്രമുഖ സൂഫി വര്യനായിരുന്നു ശൈഖ് സയ്യിദ് ജിഫ്രി.
സാമൂതിരി രാജാക്കന്മാരുമായി അടുത്ത ബന്ധം പുലർത്തിയിരുന്ന ജിഫ്രി കുടുംബം, കോഴിക്കോട്ടെ മതസൗഹാർദ്ദത്തിന്റെ വലിയൊരു കണ്ണിയാണ്.
ഭക്തർക്ക് ശാന്തിയും ആശ്വാസവും പകരുന്ന ഇടമായി ഈ ദർഗ ഇന്നും നിലകൊള്ളുന്നു. എല്ലാ വർഷവും ഇവിടെ നടക്കുന്ന ആണ്ടുനേർച്ചയിൽ നൂറുകണക്കിന് ആളുകൾ പങ്കെടുക്കാറുണ്ട്.
