ਆਨਾਮੁੜੀ ਚੋਟੀ ਦੇ ਨੇੜੇ ਵਸਿਆ ਮਾਟੂਪੇੱਟੀ, ਮੁੰਨਾਰ ਦੀ ਬਾਗਾਨਾਂ ਵਾਲੀ ਉੱਚੀ ਨੀਵੀਂ ਪਹਾੜਿਆਂ ਦੀ ਗੌਦ ਵਿੱਚ ਸਥਿਤ ਹੈ। ਮੁੰਨਾਰ ਦੇ ਪ੍ਰਸਿੱਧ ਪਹਾੜੀ ਕਸਬੇ ਵਿੱਚ ਸਥਿਤ ਮਾਟੂਪੇੱਟੀ ਮੁੰਨਾਰ ਤੋ 13 ਕਿਲੋਮੀਟਰ ਦੂਰ ਹੈ ਅਤੇ 1700 ਮੀਟਰ ਦੀ ਉੱਚਾਈ ਤੇ ਸਥਿਤ ਹੈ ਜੋ ਕਿ ਕੁਦਰਤ ਦੇ ਪ੍ਰੇਮਿਆਂ ਲਈ ਇੱਕ ਵਰਦਾਨ ਹੈ।
ਮਾਟੂਪੇੱਟੀ ਵਿੱਚ ਮਨ ਨੂੰ ਛੂ ਲੈਣ ਵਾਲੇ ਕਈ ਮਨਮੋਹਕ ਸਥਾਨ ਹਨ। ਹਰੇ-ਭਰੇ ਚਾਹ ਦੇ ਬਗੀਚੇ ਅਤੇ ਉੱਚੇ ਨੀਵੇਂ ਘਾਹ ਦੇ ਮੈਦਾਨਾਂ ਦੇ ਇਲਾਵਾ ਮਾਟੂਪੇੱਟੀ ਦੇ ਕੋਲ ਫੈਲਿਆ ਹੋਇਆ ਸ਼ੋਲਾ ਜੰਗਲ ਟ੍ਰੈਕਿੰਗ ਲਈ ਉਪਯੁਕਤ ਹੈ ਅਤੇ ਇਹ ਸਥਾਨ ਵਿਭਿੰਨ ਪ੍ਰਜਾਤਿਆਂ ਦੇ ਪੰਛਿਆਂ ਦਾ ਨਿਵਾਸ ਸਥਾਨ ਹੈ। ਇੱਥੇ ਝਰਨੇ ਅਤੇ ਸਰੋਵਰ ਹਰ ਪਾਸੇ ਪਾਏ ਜਾਂਦੇ ਹਨ, ਜਿਨ੍ਹਾਂ ਕਾਰਣ ਇਹ ਸਥਾਨ ਹੋਰ ਵੀ ਆਕਰਸ਼ਕ ਲੱਗਦਾ ਹੈ।
ਇੱਥੋ ਦੀ ਸੁੰਦਰ ਝੀਲ ਅਤੇ ਮਾਟੂਪੇੱਟੀ ਦੇ ਡੈਮ, ਜੋ ਇੱਕ ਆਦਰਸ਼ ਪਿਕਨਿਕ ਸਥਾਨ ਵੀ ਹੈ, ਮਾਟੂਪੇੱਟੀ ਦੇ ਪ੍ਰਮੁੱਖ ਆਕਰਸ਼ਣ ਹਨ। ਜਿਲ੍ਹਾ ਪਰਯਟਨ ਵਿਕਾਸ ਪਰਿਸ਼ਦ ਜਾਂ ਡਿਸਟ੍ਰਿਕਟ ਟੂਰਿਜਮ ਪ੍ਰਮੋਸ਼ਨ ਕਾਉੰਸਿਲ (DTPC), ਇਡੁੱਕੀ ਦੁਵਾਰਾ ਮਾਟੂਪੇੱਟੀ ਡੈਮ ਵਿੱਚ ਬੋਟਿੰਗ ਦੀ ਸੁਵਿਧਾ ਦਿੱਤੀ ਜਾਂਦੀ ਹੈ। ਕਿਰਾਏ ਤੇ ਸਪੀਡ ਲਾਂਚ, ਸਲੋ ਸਪੀਡਬੋਟ ਅਤੇ ਮੋਟਰਬੋਟ ਮਿੱਲ ਜਾਂਦੀ ਹੈ। ਨੇੜੇ ਦੇ ਹੋਰ ਵੇਖਣ ਵਾਲੇ ਸਥਾਨਾਂ ਵਿੱਚ ਮਨਮੋਹਕ ਕੁੰਡਲਾ ਚਾਹ ਬਾਗਾਨ ਅਤੇ ਕੁੰਡਲਾ ਝੀਲ ਹੈ।
ਇੰਡੋ-ਸਵਿਸ ਪਸ਼ੂਧਨ ਪ੍ਰਾਜੈਕਟ ਦੁਵਾਰਾ ਸੰਚਾਲਿੱਤ ਡੇਅਰੀ ਫਾਰਮ, ਮਾਟੂਪੇੱਟੀ ਦੇ ਪ੍ਰਮੁੱਖ ਆਕਰਸ਼ਣਾ ਵਿੱਚੋ ਇੱਕ ਹੈ। ਵੱਧ ਦੁੱਧ ਦੇਣ ਵਾਲੀ ਕਈ ਨਸਲਾਂ ਦੀ ਗਾਵਾਂ ਵਾਲਾ ਇਹ ਡੇਅਰੀ ਫਾਰਮ ਆਪਣੇ ਆਪ ਵਿੱਚ ਵਿਲੱਖਣ ਹੈ।
ਇੱਥੇ ਪਹੁੰਚਣ ਲਈ :
- ਸੜਕ ਦੁਵਾਰਾ : ਮਾਟੂਪੇੱਟੀ, ਮੁੰਨਾਰ ਤੋ ਬਸ 13 ਕਿਲੋਮੀਟਰ ਦੂਰੀ ਤੇ ਹੈ।
- ਨਜ਼ਦੀਕੀ ਰੇਲਵੇ ਸਟੇਸ਼ਨ : ਏਰਨਾਕੁੱਲਮ, ਮੁੰਨਾਰ ਤੋ ਲਗਭਗ 130 ਕਿਲੋਮੀਟਰ ਦੂਰ।
- ਨਜ਼ਦੀਕੀ ਹਵਾਈਅੱਡਾ : ਕੋਚੀਨ ਅੰਤਰਰਾਸ਼ਟਰੀ ਹਵਾਈਅੱਡਾ, ਮੁੰਨਾਰ ਤੋ ਲਗਭਗ 110 ਕਿਲੋਮੀਟਰ ਦੂਰ।