ਵਰਕਲਾ ਇੱਕ ਸ਼ਾਂਤ ਅਤੇ ਨੀਰਵ ਬਸਤੀ ਹੈ, ਜੋ ਤਿਰੂਵਨੰਤਪੁਰਮ ਜਿਲ੍ਹੇ ਦੀ ਬਾਹਰੀ ਸੀਮਾ ਤੇ ਸਥਿਤ ਹੈ। ਇੱਥੇ ਪਰਯਟਕਾਂ ਦੇ ਆਕਰਸ਼ਨ ਦੇ ਕਈ ਸਥਾਨ ਹਨ - ਜਿਵੇਂ ਮਨਮੋਹਕ ਸਮੁੰਦਰੀ ਤੱਟ, 2000 ਸਾਲ ਪੁਰਾਣਾ ਵਿਸ਼ਣੂ ਦਾ ਇੱਕ ਪੁਰਾਣਾ; ਮੰਦਰ ਅਤੇ ਆਸ਼ਰਮ - ਸ਼ਿਵਗਿਰੀ ਮਠ, ਜੋ ਸਮੁੰਦਰ ਤੱਟ ਤੋ ਕੁਝ ਹੀ ਦੂਰੀ ਤੇ ਸਥਿਤ ਹੈ।
ਵਰਕਲਾ ਦੇ ਮੋਹਕ ਤੱਟ ਤੇ ਇੱਕ ਸ਼ਾਂਤ ਰਿਸੋਰਟ ਹੈ, ਜਿੱਥੇ ਖਣਿਜ ਪਾਣੀ ਦੇ ਚਸ਼ਮੇ ਹਨ। ਮੰਨਿਆ ਜਾਂਦਾ ਹੈ ਕਿ ਇਸ ਤੱਟ ਦੇ ਪਵਿੱਤਰ ਪਾਣੀ ਵਿੱਚ ਡੁਬਕੀ ਮਾਰਣ ਤੇ ਸ਼ਰੀਰ ਦੀ ਸਾਰੀ ਅਸ਼ੁੱਧਿਆਂ ਅਤੇ ਸਾਰੇ ਪਾਪ ਦੂਰ ਹੋ ਜਾਂਦੇ ਹਨ। ਇਸ ਲਈ ਇਸਦਾ ਨਾਂ 'ਪਾਪਨਾਸ਼ਮ' ਤੱਟ ਰੱਖਿਆ ਗਿਆ ਹੈ।
ਇੱਥੋ ਥੋੜੀ ਦੂਰੀ ਤੇ ਇੱਕ 2000 ਸਾਲ ਪੁਰਾਣਾ ਜਨਾਰਧਨਸਵਾਮੀ ਮੰਦਰ ਹੈ, ਜੋ ਇੱਕ ਚਟਾਨ ਤੇ ਬਣਿਆ ਹੋਇਆ ਹੈ, ਜਿੱਥੋ ਤੁਸੀ ਸਮੁੰਦਰ ਤੱਟ ਦੇ ਮਨੋਹਰ ਦ੍ਰਿਸ਼ਆਂ ਦਾ ਆਨੰਦ ਮਾਣ ਸਕਦੇ ਹੋ। ਨੇੜੇ ਹੀ ਇੱਕ ਪ੍ਰਸਿੱਧ ਸ਼ਿਵਗਿਰੀ ਮਠ ਹੈ, ਜਿਸਨੂੰ ਹਿੰਦੂ ਸੁਧਾਰਕ ਅਤੇ ਦਾਰਸ਼ਨਿਕ (ਫਿਲਾਸਫਰ) ਸ਼੍ਰੀ ਨਾਰਾਯਣ ਗੁਰੂ (1856-1928) ਦੁਵਾਰਾ ਬਣਾਇਆ ਗਿਆ ਸੀ। ਗੁਰੂ ਦੀ ਸਮਾਧਿ ਦੇ ਦਰਸ਼ਨ ਲਈ ਹਰ ਸਾਲ ਸ਼ਿਵਗਿਰੀ ਤੀਰਥ ਯਾਤਰਾ ਦੇ ਮੌਸਮ (30 ਦਿਸੰਬਰ ਤੋ 1 ਜਨਵਰੀ) ਵਿੱਚ ਲੱਖਾਂ ਸੰਗਤਾਂ ਇੱਥੇ ਆਉੰਦੀਆ ਹਨ। ਸ਼੍ਰੀ ਨਾਰਾਯਣ ਗੁਰੂ ਨੇ ਜਾਤ ਪਾਤ ਵਿੱਚ ਵੰਡੇ ਹੋਏ ਇੱਥੋ ਦੇ ਸਮਾਜ ਵਿੱਚ ''ਇੱਕ ਜਾਤ, ਇੱਕ ਧਰਮ ਅਤੇ ਇੱਕ ਇਸ਼ਵਰ'' ਦੀ ਵਿਚਾਰਧਾਰਾ ਨੂੰ ਪ੍ਰਚਾਰਿਆ ਸੀ।
ਵਰਕਲਾ ਵਿੱਚ ਤੁਹਾਨੂੰ ਠਹਿਰਣ ਦੀ ਵਧੀਆ ਸੁਵਿਧਾ ਮਿੱਲਦੀ ਹੈ, ਨਾਲ ਹੀ ਇਹ ਆਪਣੇ ਕਈ ਆਯੂਰਵੈਦਿਕ ਸਮਾਜ ਕੇੰਦਰਾਂ ਦੇ ਕਾਰਣ ਤੇਜੀ ਨਾਲ ਇੱਕ ਮਸ਼ਹੂਰ ਸਵਾਸਥ ਰਿਸਾਰਟ ਦੇ ਰੂਪ ਵਿੱਚ ਪ੍ਰਸਿੱਧ ਹੋ ਰਿਹਾ ਹੈ।
ਆਕਰਸ਼ਨ : ਤੱਟ, ਖਣਿਜ ਪਾਣੀ ਦੇ ਚਸ਼ਮੇ, ਸ਼ਿਵਗਿਰੀ ਮਠ ਅਤੇ 2000 ਸਾਲ ਪੁਰਾਣਾ ਵਿਸ਼ਣੂ ਦਾ ਇੱਕ ਪ੍ਰਾਚੀਨ ਮੰਦਰ।
ਸਥਾਨ : ਤਿਰੂਵਨੰਤਪੁਰਮ ਸ਼ਹਿਰ ਤੋ 51 ਕਿਲੋਮੀਟਰ ਉੱਤਰੀ ਅਤੇ ਤਿਰੂਵਨੰਤਪੁਰਮ ਜਿਲ੍ਹੇ ਦੇ ਕੋੱਲਮ ਤੋ 37 ਕਿਲੋਮੀਟਰ ਦੱਖਣ, ਕੇਰਲ।
ਇੱਥੇ ਪਹੁੰਚਣ ਲਈ :
- ਨਜ਼ਦੀਕੀ ਰੇਲਵੇ ਸਟੇਸ਼ਨ : ਵਰਕਲਾ, ਇੱਥੋ ਲਗਭਗ 3 ਕਿਲੋਮੀਟਰ ਦੂਰ।
- ਨਜ਼ਦੀਕੀ ਹਵਾਈਅੱਡਾ : ਤਿਰੂਵਨੰਤਪੁਰਮ ਅੰਤਰਰਾਸ਼ਟਰੀ ਹਵਾਈਅੱਡਾ, ਇੱਥੋ ਲਗਭਗ 57 ਕਿਲੋਮੀਟਰ ਦੂਰ।