ਸਥਾਨ : ਕੋਯੀਕੋੜ ਸ਼ਹਿਰ ਤੋ ਲਗਭਗ 16 ਕਿਲੋਮੀਟਰ ਦੂਰ।
ਕੋਯੀਕੋੜ ਦੇ ਲੋਕਾਂ ਲਈ ਇਹ ਸਮੁੰਦਰੀ ਤੱਟ ਤੇ ਚਟਾਨਾਂ ਨਾਲ ਘਿਰਿਆ ਹੋਇਆ ਸਥਾਨ ਕੱਪੱਕਡਵੂ ਹੈ। ਪਰਯਟਕਾਂ ਲਈ ਇਹ ਕੇਰਲ ਦਾ ਇੱਕ ਬਹੁਤ ਹੀ ਆਕਰਸ਼ਕ ਸਮੁੰਦਰ ਤੱਟ ਹੈ। ਇਤਿਹਾਸਕ ਅਤੇ ਭੂਗੋਲਿਕ ਪਾਠਾਂ ਵਿੱਚ ਕਾੱਪਾੜ ਨੂੰ ਮਾਲਾਬਾਰ ਤੱਟ ਦੇ ਰੂਪ ਵਿੱਚ ਉੱਲੇਖਿਤ ਕੀਤਾ ਗਿਆ ਹੈ। ਇੱਥੇ ਅੱਜ ਤੋ 501 ਸਾਲ ਪਹਿਲਾਂ ਜਦੋ ਪੁਰਤਗਾਲੀ ਨਾਵਿਕ ਵਾਸਕੋ ਡੀ ਗਾਮਾ (1460-1542) ਆਪਣੇ 170 ਲੋਕਾਂ ਨਾਲ ਜਹਾਜ ਤੋ ਉੱਤਰਿਆ ਸੀ, ਉਦੋ ਭਾਰਤ ਅਤੇ ਯੂਰੋਪ ਦੇ ਵਿੱਚ ਸਮਾਜਕ - ਸਿਆਸੀ ਰਿਸ਼ਤੇ ਦਾ ਨਵਾਂ ਪੰਨਾ ਸ਼ੁਰੂ ਹੋਇਆ ਸੀ।
ਮਾਲਾਬਾਰ ਦੇ ਮਸਾਲੇ ਅਤੇ ਉਸਦੀ ਰਿੱਧੀ ਨੇ ਸੱਭ ਤੋ ਪਹਿਲਾਂ ਅਰਬ, ਫਿਨੀਸ਼ਿਅਨ, ਯੂਨਾਨੀ, ਰੋਮਨ, ਪੁਰਤਗਾਲੀ, ਡਚ ਅਤੇ ਅੰਗ੍ਰੇਜੀ ਵਪਾਰਿਆਂ ਦਾ ਧਿਆਨ ਕੇਰਲ ਵੱਲ ਖਿੱਚਿਆ ਸੀ। ਕਾੱਪਾੜ ਵਿੱਚ ਕਈ ਸਾਰੇ ਯਾਤਰਿਆਂ ਦਾ ਆਗਮਨ ਹੋਇਆ। ਕੋਯੀਕੋੜ ਉਦੋ ਮਾਲਾਬਾਰ ਦਾ ਇੱਕ ਅਹਿਮ ਕੇੰਦਰ ਸੀ ਅਤੇ ਇਸ ਧਨੀ ਖੇਤਰ ਤੇ ਸ਼ਾਸਨ ਕਰਨ ਵਾਲਾ ਜਮੋਰਿਨ ਇੱਕ ਸ਼ਕਤੀਸ਼ਾਲੀ ਅਤੇ ਸਮਝਦਾਰ ਸ਼ਾਸਕ ਸੀ। ਭਲੇ ਹੀ ਪੁਰਤਗਾਲਿਆਂ ਦਾ ਕੋਯੀਕੋੜ ਵਿੱਚ ਸਵਾਗਤ ਕੀਤਾ ਗਿਆ ਸੀ, ਪਰ ਉਹਨਾਂ ਨੂੰ ਜਮੋਰਿਨ ਤੋ ਵੱਧ ਮਹਤੱਵ ਨਹੀਂ ਦਿੱਤਾ ਜਾਂਦਾ ਸੀ। ਸ਼ਾਇਦ ਇਹੀ ਕਾਰਣ ਸੀ ਕਿ ਪੁਰਤਗਾਲਿਆਂ ਨੇ ਆਪਣਾ ਕੇੰਦਰ ਬਦਲ ਕੇ ਕੋਚੀ ਅਤੇ ਦੱਖਣ ਵੱਲ ਕੋੱਲਮ ਕਰ ਲਿਆ ਸੀ।
ਅੱਜ ਆਪਣੀ ਕਹਾਣੀ ਸੁਨਾਉਣ ਲਈ ਕਾੱਪਾੜ ਵਿੱਚ ਕੇਵਲ ਪੱਥਰਾਂ ਦਾ ਛੋਟਾ ਜਿਹਾ ਸਮਾਰਕ ਹੀ ਰਹਿ ਗਿਆ ਹੈ। ਨੇੜਲੀ ਚਟਾਨਾਂ ਵਿੱਓ ਇੱਕ ਪੁਰਾਣਾਂ ਮੰਦਰ ਹੈ, ਜੋ 800 ਸਾਲ ਪੁਰਾਣਾ ਮੰਨਿਆ ਜਾਂਦਾ ਹੈ।
ਸਮੁੰਦਰ ਤੱਟ ਤੇ ਵਸਿਆ ਇਹ ਛੋਟਾ ਜਿਹਾ ਸ਼ਹਿਰ ਪਰਯਟਕਾਂ ਦਾ ਮਨ ਮੋਹ ਲੈੰਦਾ ਹੈ। ਕਾੱਪਾੜ ਪਹੁੰਚਣ ਦਾ ਸੱਭ ਤੋ ਵਧੀਆ ਰੱਸਤਾ, ਬੈਕਵਾਟਰ ਹਨ। ਸਾਫ ਅਤੇ ਭੀੜ-ਭਾੜ ਤੋ ਦੂਰ ਕੋਯੀਕੋੜ ਦੇ ਬੈਕਵਾਟਰ ਤੁਹਾਡੇ ਲਈ ਯਾਦਗਾਰ ਇਹਸਾਸ ਹਨ। ਕੋਰੱਪੁਯਾ ਦਰਿਆ ਤੋ ਹੋ ਕੇ ਬੈਕਵਾਟਰ ਦੇ ਮਾਰਗ ਤੋ ਤੁਸੀ ਇਸ ਤੱਟ ਤੱਕ ਪਹੁੰਚ ਸਕਦੇ ਹੋ।
ਇੱਥੇ ਪਹੁੰਚਣ ਲਈ :
- ਨਜ਼ਦੀਕੀ ਰੇਲਵੇ ਸਟੇਸ਼ਨ : ਕੋਯੀਕੋੜ, ਲਗਪਗ 16 ਕਿਲੋਮੀਟਰ ਦੂਰ।
- ਨਜ਼ਦੀਕੀ ਹਵਾਈਅੱਡਾ : ਕਰੀਪੁਰਾ ਅੰਤਰਰਾਸ਼ਟਰੀ ਹਵਾਈਅੱਡਾ, ਕੋਯੀਕੋੜ, ਕੋਯੀਕੋੜ ਸ਼ਹਿਰ ਤੋ 23 ਕਿਲੋਮੀਟਰ ਦੂਰ।