1341 ਵਿੱਚ ਆਈ ਭੀਸ਼ਣ ਬਾੜ੍ਹ ਦੇ ਦੌਰਾਨ ਕੋਚੀ ਦੇ (ਜੋ ਕਿ ਉਸ ਵੇਲੇ ਦਾ ਇੱਕ ਭੂ-ਸੀਮਿਤ ਖੇਤਰ ਸੀ) ਨਦੀਮੂੰਹ ਦੇ ਖੁੱਲ੍ਹ ਜਾਉਣ ਨਾਲ ਕੋਚੀ ਦੇ ਘਟਨਾਪੂਰਣ ਇਤਿਹਾਸ ਦੀ ਸ਼ੁਰੂਵਾਤ ਹੋਈ ਸੀ। ਇਸ ਤੋ ਬਾਅਦ ਕੋਚੀ ਵਿਸ਼ਵ ਦੀ ਸੱਭ ਤੋ ਵਧੀਆ ਕੁਦਰਤੀ ਬੰਦਗਾਹਾਂ ਵਿੱਚ ਗਿਣਿਆ ਜਾਉਣ ਲੱਗਾ, ਅਤੇ ਇਸ ਤਰ੍ਹਹਾਂ ਕੋਚੀ ਪੂਰੇ ਵਿਸ਼ਵ ਤੋ ਆਉਣ ਵਾਲੇ ਸਮੁੰਦਰੀ ਪਰਯਟਕਾਂ ਲਈ ਸਵਰਗ ਬਣ ਗਿਆ ਅਤੇ ਜਦੋ 15ਵੀਂ ਸਦੀ ਵਿੱਚ ਪੁਰਤਗਾਲੀ ਇੱਥੇ ਆਏ, ਉਦੋ ਉਹ ਭਾਰਤ ਦਾ ਪਹਿਲਾ ਯੂਰੋਪਿਯਨ ਸ਼ਹਿਰ ਬਣ ਗਿਆ।
1663 ਵਿੱਚ ਡਚ ਨੇ ਫੋਰਟ ਕੋਚੀ ਨੂੰ ਪੁਰਤਗਾਲਿਆਂ ਤੋ ਹਾਸਿਲ ਕਰ ਲਿਆ ਅਤੇ ਫੇਰ ਉਪਨਿਵੇਸ਼ੀ ਗਾਥਾ ਦੇ ਅੰਤਿਮ ਦੌਰ ਵਿੱਚ, 1795 ਵਿੱਚ ਅੰਗ੍ਰੇਜਾਂ ਨੇ ਇਸ ਤੇ ਆਪਣਾ ਕਬਜਾ ਕਰ ਲਿਆ। 1660 ਦੇ ਦਸ਼ਕ ਦੇ ਦੌਰਾਨ, ਫੋਰਟ ਕੋਚੀ ਨੇ ਮੁੱਖ ਵਪਾਰਕ ਦੇ ਰੂਪ ਵਿੱਚ ਨਵੀਂ ਉੱਚਾਈ ਹਾਸਿਲ ਕਰ ਲਈ ਅਤੇ ਇੱਕ ਧਨੀ ਵਪਾਰ ਕੇੰਦਰ; ਪ੍ਰਮੁੱਖ ਸੈਨਾ ਦਾ ਅੱਡਾ, ਜੀਵੰਤ ਸਭਿਆਚਾਰਕ ਕੇੰਦਰ, ਵੱਡੇ ਜਹਾਜ਼ ਨਿਰਮਾਣ ਕੇੰਦਰ, ਈਸਾਈ ਧਾਰਮਿਕ ਕੇੰਦਰ ਦੇ ਰੂਪ ਵਿੱਚ ਇਹ ਦੂਰ ਦੂਰ ਤੱਕ ਪ੍ਰਸਿੱਧ ਹੋ ਗਿਆ। ਅੱਜ, ਕਈ ਸਦਿਆਂ ਬਾਅਦ, ਇਸ ਸ਼ਹਿਰ ਵਿੱਚ 13 ਜਮਾਤਾਂ ਦੇ ਲੋਕ ਮਿੱਲਜੁੱਲ ਕੇ ਰਹਿੰਦੇ ਹਨ।
ਕੋਚੀ ਦੇ ਕੁਝ ਦਿਲਚਸਪ ਨਜਾਰੇ ਹਨ - ਵਾਸਕੋ ਡੀ ਗਾਮਾ ਸ੍ਕ੍ਵੇਰ ਦੇ ਕਿਨਾਰੇ ਚਾਈਨੀਜ ਫਿਸ਼ਿੰਗ ਨੈਟ, ਸੰਤਾ ਕਰੂਜ ਬੈਸਿਲਿਕਾ, ਸੇੰਟ ਫਰਾਂਸਿਸ ਚਰਚ, ਵੀਅੋਸੀ ਗੇਟ ਅਤੇ ਬਾਸਟੀਯਨ ਬੰਗਲਾ ਆਦਿ।
ਚਾਈਨੀਜ ਫਿਸ਼ਿੰਗ ਨੈਟ, ਟੀਕ ਦੀ ਲੱਕੜ ਅਤੇ ਬਾਂਸ ਦੇ ਖੁੰਟੇ ਦੇ ਸਹਾਰੇ ਸੰਤੁਲਨ ਦੇ ਸਿਧਾਂਤ ਦੀ ਪਾਲਨਾ ਕਰਦੇ ਹੋਏ ਸਿੱਧੇ ਖੜ੍ਹੇ ਰਹਿੰਦੇ ਹਨ। ਆੰਕੜਿਆਂ ਦੇ ਅਨੁਸਾਰ ਇਹਨਾਂ ਦੀ ਸਥਾਪਨਾ ਸੱਭ ਤੋ ਪਹਿਲਾਂ 1350 ਅਤੇ 1450 ਦੇ ਵਿੱਚ ਹੋਈ ਸੀ। ਵਾਸਕੋ ਡੀ ਗਾਮਾ ਸ੍ਕ੍ਵੇਰ ਸਮੁੰਦਰ ਤੱਟ ਦੇ ਸਮਾਨਾਂਤਰ ਇੱਕ ਤੰਗ ਸੈਰਗਾਹ ਹੈ। ਇਹਨਾਂ ਨੈਟਾਂ ਨੂੰ ਥੱਲੇ ਝੁੱਕਾ ਕੇ ਅਤੇ ਫੇਰ ਸਮੁੰਦਰ ਤੋ ਖਿੱਚਦੇ ਹੋਏ ਵੇਖਣ ਲਈ ਇਹ ਸਥਾਨ ਸੱਭ ਤੋ ਵਧੀਆ ਹੈ।
ਸੰਤਾ ਕਰੂਜ ਬੇਸਿਲਿਕਾ, ਮੂਲ ਰੂਪ ਤੋ ਪੁਰਤਗਾਲਿਆਂ ਦੁਵਾਰਾ ਬਣਾਇਆ ਗਿਆ ਚਰਚ ਹੈ, ਜਿਸਦਾ ਸਾਲ 1558 ਵਿੱਚ ਪੋਪ ਪੌਲ 1V ਦੁਵਾਰਾ ਕੈਥੇਡ੍ਰੱਲ (ਪ੍ਰਮੁੱਖ ਚਰਚ) ਦੇ ਰੂਪ ਵਿੱਚ ਬਣਾਇਆ ਗਿਆ ਸੀ। ਬਾਅਦ ਵਿੱਚ ਇਸ ਨੂੰ ਡਚ ਵਿਜੇਤਾਵਾਂ ਦੁਵਾਰਾ ਨਸ਼ਟ ਕਰ ਦਿੱਤਾ ਗਿਆ, ਇਹਨਾਂ ਨੇ ਹੋਰ ਵੀ ਕਈ ਕੈਥੋਲਿਕ ਭਵਨਾਂ ਨੂੰ ਨਸ਼ਟ ਕਰ ਦਿੱਤਾ ਅਤੇ 1887 ਵਿੱਚ ਵਿਸ਼ਪ ਡੌਮ ਗੋਮਜ ਵੇਰੇਰੇ ਨੇ ਇੱਕ ਨਵੈ ਭਵਨ ਦਾ ਨਿਰਮਾਣ ਕਰਵਾਇਆ। ਸਾਲ 1905 ਵਿੱਚ ਸਥਾਪਨਾ ਕੀਤੇ ਜਾਉਣ ਤੋ ਬਾਅਦ ਜੌਨ ਪੌਲ II ਨੇ 1984 ਵਿੱਚ ਸੰਤਾ ਕਰੂਜ ਨੂੰ ਬੇਸਿਲਿਕਾ ਦੇ ਰੂਪ ਵਿੱਚ ਮਾਨੰਤਾ ਦੇ ਦਿੱਤੀ।
ਫੋਰਟ ਕੋਚੀ ਵੀ ਭਾਰਤ ਦੇ ਇੱਕ ਪ੍ਰਾਚੀਨ ਚਰਚ-ਸੇੰਟ ਫ੍ਰਾਂਸਿਸ ਚਰਚ ਦਾ ਸਥਾਨ ਹੈ। 1503 ਤੋ 1663 ਦੇ ਵਿੱਚ ਪੁਰਤਗਾਲੀ ਸ਼ਾਸਨ ਦੇ ਅਧੀਨ ਇਹ ਇੱਕ ਰੋਮਨ ਕੈਥੋਲਿਕ ਚਰਚ ਸੀ, ਫੇਰ 1664 ਤੋ 1804 ਤੱਕ ਇਹ ਇੱਕ ਡਚ ਸੁਧਾਰਵਾਦੀ ਚਰਚ ਰਿਹਾ ਅਤੇ 1804 ਤੋ 1947 ਦੇ ਵਿੱਚ ਇੱਕ ਏੰਗਲਿਕਨ ਚਰਚ ਦੇ ਰੂਪ ਵਿੱਚ ਰਿਹਾ। ਅੱਜ ਇਸਦਾ ਸੰਚਾਲਨ ਚਰਚ ਆਫ ਸਾਉਥ ਇੰਡਿਆ (ਸੀਐਸਆਈ) ਦੁਵਾਰਾ ਕੀਤਾ ਜਾਂਦਾ ਹੈ। ਇਸ ਚਰਚ ਦੇ ਬਾਰੇ ਵਿੱਚ ਕਈ ਹੋਰ ਮਹੱਤਵਪੂਰਣ ਤੱਤ ਹਨ ਕਿ ਵਾਸਕੋ ਡੀ ਗਾਮਾ ਨੂੰ ਇੱਥੇ ਹੀ ਦਫਨਾਇਆ ਗਿਆ ਸੀ, ਜਿਸਦੀ ਮੌਤ 1524 ਵਿੱਚ ਹੋਈ ਸੀ। 14 ਸਾਲਾਂ ਬਾਅਦ ਉਸਦੇ ਸ਼ਰੀਰ ਦੇ ਅਵਸ਼ੇਸ਼ਾਂ ਨੂੰ ਪੁਰਤਗਾਲ ਵਾਪਿਸ ਭੇਜ ਦਿੱਤਾ ਗਿਆ ਸੀ। ਇੱਥੋ ਦੀ ਹਰ ਨਿਰਮਾਣ ਰਚਨਾ - ਸੜਕਾਂ, ਦਰਵਾਜੇ, ਖਿੜਕਿਆਂ ਅਤੇ ਇੱਟਾਂ ਵੀ ਆਪਣੀ ਵੱਖ ਕਹਾਣੀ ਬਿਆਨ ਕਰਦੀਆਂ ਹਨ।
ਕਈ ਇਤਿਹਾਸਕ ਅਤੇ ਸਾੰਸਕ੍ਰਿਤਕ ਸਥਾਨਾਂ ਦੇ ਇਲਾਵਾ ਕੋਚੀ ਵਿੱਚ ਵੱਧੀਆ ਹੋਟਲ ਵੀ ਹਨ ਜਿੱਥੇ ਤਾਜੇ ਸਮੁੰਦਰੀ ਭੋਜਨ ਪਰੋਸੇ ਜਾਂਦੇ ਹਨ ਜੋ ਕਿ ਪਰਯਟਕਾਂ ਵਿੱਚ ਬਹੁਤ ਹੀ ਪ੍ਰਸਿੱਧ ਹੈ।
ਇੱਥੇ ਪਹੁੰਚਣ ਲਈ :
ਫੋਰਟ ਕੋਚੀ ਤੱਕ ਬੱਸ ਜਾਂ ਫੇਰੀ ਦੁਵਾਰਾ ਪਹੁੰਚਿਆ ਜਾ ਸਕਦਾ ਹੈ। ਲਗਭਗ 13 ਕਿਲੋਮੀਟਰ ਦੂਰ ਏਰਨਾਕੁੱਲਮ ਸ਼ਹਿਰ ਤੋ ਬੱਸ ਦੀ ਯਾਤਰਾ ਵਿੱਚ 1 ਘੰਟੇ ਦਾ ਸਮਾਂ ਲੱਗਦਾ ਹੈ ਅਤੇ ਇਸ ਤੋ ਬਾਅਦ ਮੁੱਖ ਨੌਕਾ ਤੱਟ ਤੋ ਇੱਥੋ ਤੱਕ ਦੀ ਫੇਰੀ ਯਾਤਰਾ ਵਿੱਚ ਲਗਭਗ 20 ਮਿੰਟਾਂ ਦਾ ਸਮਾਂ ਲੱਗਦਾ ਹੈ।
- ਨਜ਼ਦੀਕੀ ਰੇਲਵੇ ਸਟੇਸ਼ਨ : ਏਰਨਾਕੁੱਲਮ, ਮੁੱਖ ਨੌਕਾ ਤੱਟ ਤੋ ਲਗਭਗ 1 ਕਿਲੋਮੀਟਰ ਦੂਰ।
- ਨਜ਼ਦੀਕੀ ਹਵਾਈਅੱਡਾ : ਕੋਚੀਨ ਅੰਤਰਰਾਸ਼ਟਰੀ ਹਵਾਈਅੱਡਾ, ਇੱਥੋ ਲਗਭਗ 20 ਕਿਲੋਮੀਟਰ ਦੂਰ।