ਇਸ ਵੀਡੀਓ ਵਿੱਚ ਕੇਰਲ ਦੀ ਸ਼ਾਕਾਹਾਰੀ ਸਾਈਡ ਡਿਸ਼ ਕਾਲਨ ਬਨਾਉਣ ਦੀ ਵਿਧੀ ਵਿਖਾਈ ਗਈ ਹੈ।

ਕਾਲਨ ਇੱਕ ਬਹੁਤ ਪੁਰਾਣੀ ਡਿਸ਼ ਹੈ ਜਿਸਨੂੰ ਮਲਯਾਲੀ ਬਹੁਤ ਹੀ ਗਰਵ ਨਾਲ ਆਪਣਾ ਵਿਅੰਜਨ ਮੰਨਦੇ ਹਨ। ਹਾਲਾਂਕਿ ਕਾਲਨ ਬਨਾਉਣਾ ਆਸਾਨ ਹੈ, ਪਰ ਜੇ ਇਸਨੂੰ ਸਹੀ ਤਰੀਕੇ ਨਾਲ ਬਣਾਇਆ ਜਾਵੇ ਤਾਂ ਇਸਦੀ ਬਹੁਤ ਤਰੀਫ ਹੁੰਦੀ ਹੈ। ਅੱਜ ਦੀ ਨੌਜਵਾਨ ਪੀੜ੍ਹੀ ਇਸਨੂੰ ਸੱਦਆ (ਪਰੰਪਰਿਕ ਸ਼ਾਕਾਹਾਰੀ ਭੋਜ) ਦੇ ਇੱਕ ਅੰਗ ਦੇ ਰੂਪ ਵਿੱਚ ਚੰਗੀ ਤਰ੍ਹਹਾਂ ਜਾਣਦੀ ਹੈ।

ਸਮੱਗਰੀ

• 100 ਗ੍ਰਾਮ ਅਰਬੀ
• 1 ਕੱਚਾ ਕੇਲਾ
• 1 ਕੱਪ ਮਠਿਆ ਹੋਇਆ ਦਹੀ
• 4 ਹਰੀ ਮਿਰਚਾਂ
• 4 ਚਮਚ ਘਿਓ
• 1/2 ਚਮਚ ਹਲਦੀ
• 1/2 ਚਮਚ ਮੇਥੀ ਦਾਨਾ
• 1/2 ਚਮਚ ਰਾਈ
• 1 ਚਮਚ ਕਾਲੀ ਮਿਰਚ
• 3 ਸੁੱਕਿਆਂ ਲਾਲ ਮਿਰਚਾਂ
• ਕਰੀ ਪੱਤੇ

ਪੇਸਟ ਲਈ

• 1 1/2 ਕੱਪ ਕੱਦੁਕਸ ਕੀਤਾ ਹੋਇਆ ਨਾਰੀਅਲ
• 1/2 ਚਮਚ ਜੀਰਾ

ਬਨਾਉਣ ਦੀ ਵਿਧੀ
ਸੱਭ ਤੋ ਪਹਿਲਾਂ, ਕੇਲੇ ਅਤੇ ਅਰਬੀ ਦਾ ਛਿੱਲਕਾ ਉਤਾਰੋ ਅਤੇ ਫੇਰ ਉਸਦੇ ਛੋਟੇ ਛੋਟੇ ਟੁਕੜੇ ਕਰੋ। ਨਾਰੀਅਲ ਅਤੇ ਜੀਰੇ ਨੂੰ ਬਿਨਾ ਪਾਣੀ ਪਾਏ ਗਰਾਈੰਡ ਕਰਕੇ ਮੁਲਾਯਮ ਪੇਸਟ ਬਣਾਓ ਅਤੇ ਇੱਕ ਪਾਸੇ ਰੱਖ ਦਿਓ।

ਕਾਲੀ ਮਿਰਚ ਦੇ ਪਾਉਡਰ ਨੂੰ 1/2 ਕੱਪ ਪਾਣੀ ਵਿੱਚ ਘੋਲੋ ਅਤੇ ਇਸਨੂੰ ਸਾਫ਼ ਕੱਪੜੇ ਦੁਆਰਾ ਛਾਨ ਲਵੋ।

ਇਸ ਪਾਣੀ ਵਿੱਚ ਸਬਜਿਆਂ ਨੂੰ ਪਕਾਓ, ਇਸ ਵਿੱਚ ਹਲਦੀ ਅਤੇ ਲੂਣ ਪਾ ਕੇ ਇਸਨੂੰ ਹਿਲਾਓ।

ਜਦੋ ਪਾਣੀ ਸੁੱਕ ਜਾਵੇ, ਉਦੋ ਸਬਜਿਆਂ ਵਿੱਚ ਇੱਕ ਚਮਚ ਘਿਓ ਅਤੇ ਦਹੀ (ਯੋਗ੍ਹਰਟ) ਪਾ ਕੇ ਰਲਾਓ। ਲਾਟ ਨੂੰ ਨਿੱਮਾ/ਘੱਟ ਕਰ ਦਿਓ।

ਜਦੋ ਦਹੀ ਉਬਲ - ਉਬਲ ਕੇ ਥੋੜਾ ਸੁੱਕ ਕੇ ਗਾੜ੍ਹਾ ਹੋ ਜਾਵੇ, ਉਦੋ ਇਸ ਵਿੱਚ ਨਾਰੀਅਲ ਅਤੇ ਮੇਥੀ ਪਾਉਡਰ ਮਿਲਾਓ। ਇੱਕ ਉਬਾਲ ਆਉਣ ਤੋ ਬਾਅਦ ਇਸ ਨੂੰ ਚੁੱਲੇ ਤੋ ਉਤਾਰ ਲਵੋ।

ਇੱਕ ਛੋਟੇ ਫ੍ਰਾਈੰਗ ਪੈਨ ਵਿੱਚ ਤਿੰਨ ਚਮਚ ਘਿਓ ਗਰਮ ਕਰੋ। ਇਸ ਵਿੱਚ ਰਾਈ, ਸੁੱਕੀ ਲਾਲ ਮਿਰਚ ਅਤੇ ਕਰੀ ਪੱਤਾ ਪਾ ਕੇ ਤੜਕਾ ਲਾਓ ਅਤੇ ਫੇਰ ਇਸ ਤੜਕੇ ਨੂੰ ਕਾਲਨ ਵਿੱਚ ਪਾ ਦਿਓ।

ਲੈਲਾ ਵੇਨੂ ਕੁਮਾਰ ਦੀ ਪਕਵਾਨ ਵਿਧੀ  
ਟੈਲੀਫ਼ੋਨ : +91 9895534383
ਈਮੇਲ :  devoo_07@yahoo.co.in