ਇਸ ਵੀਡਿਓ ਵਿੱਚ ਘਿਓ ਚਾਵਲ ਬਨਾਉੁਣ ਦੀ ਵਿਧੀ ਨੂੰ ਵਿਖਾਇਆ ਗਿਆ ਹੈ।
ਸਮੱਗਰੀ
- ਬਿਰਯਾਨੀ ਚਾਵਲ - 2 ਕੱਪ
- ਘਿਓ - 5 ਤੋ 6 ਚਮਚ
- ਕਾਜੂ ਗਿਰੀ - 1/2 ਕੱਪ
- ਲੌਂਗ - 4 ਤੋ 5
- ਪੀਸੀ ਹੋਈ ਕਾਲੀ ਮਿਰਚ - 4 ਤੋ 5
- ਸੌਗੀ - 1/4 ਕੱਪ
- ਪੀਸਿਆ ਹੋਇਆ ਅਦਰਕ - 1 ਚਮਚ
- ਪੀਸਿਆ ਹੋਇਆ ਲਸਣ - 1 ਚਮਚ
- ਨਿੰਬੂ ਦਾ ਰਸ
- ਪਿਆਜ਼ (ਕੱਟਿਆ ਹੋਇਆ) – 2
- ਤੇਜ ਪੱਤਾ – 2
- ਇਲਆਚੀ – 4
- ਦਾਲਚੀਨੀ - 2 ਡੰਡਿਆਂ
- ਕੱਟਿਆ ਹੋਇਆ ਧਨਿਆ 1/4 ਕੱਪ
- ਲੂਣ - ਸੁਆਦ ਅਨੁਸਾਰ
- ਪਾਣੀ - 3½ ਕੱਪ
ਬਨਾਉਣ ਦੀ ਵਿਧੀ
ਚੌਲਾਂ ਨੂੰ ਧੋਵੋ ਅਤੇ ਛਾਣਕੇ ਇੱਕ ਪਾਸੇ ਰੱਖ ਲਵੋ। ਇੱਕ ਪੈਨ ਵਿੱਚ ਤਿੰਨ ਚਮਚ ਘਿਓ ਗਰਮ ਕਰੋ। ਇਸ ਵਿੱਚ ਕਾਜੂ ਗਰੀ ਪਾਓ ਅਤੇ ਭੂਰਾ ਹੋਣ ਤੱਕ ਭੁੰਨੋ। ਹੁਣ ਕਾਜੂ ਗਰੀ ਨੂੰ ਪੈਨ ਵਿੱਚੋ ਕੱਢ ਲਵੋ। ਇਹੀ ਕਿਰਿਆ ਸੌਗੀ ਨਾਲ ਵੀ ਦੁਹਰਾਓ।
ਪੈਨ ਵਿੱਚ ਕੁਝ ਹੋਰ ਘਿਓ ਗਰਮ ਕਰੋ। ਹੁਣ ਵੱਡੇ ਵੱਡੇ ਪਿਆਜ਼ ਅਤੇ ਲੂਣ ਪਾਓ। ਭੂਰਾ ਹੋਣ ਤੱਕ ਇਸਨੂੰ ਭੂੰਨੋ। ਇਸਨੂੰ ਭੁੱਜੇ ਹੋਏ ਕਾਜੂ ਗਿਰੀ ਅਤੇ ਸੌਗੀ ਵਾਲੀ ਪਲੇਟ ਵਿੱਚ ਪਾ ਦਿਓ।
ਇੱਕ ਵੱਡੇ ਭਾਂਡੇ ਵਿੱਚ ਕੁਝ ਹੋਰ ਘਿਓ ਗਰਮ ਕਰੋ। ਇਸ ਵਿੱਚ ਪਹਿਲਾਂ ਲੌਂਗ, ਫੇਰ ਦਾਲਚੀਨੀ, ਇਲਆਚੀ, ਪੀਸੀ ਹੋਈ ਕਾਲੀ ਮਿਰਚ ਅਤੇ ਅਦਰਕ - ਲਸਣ ਦਾ ਪੇਸਟ ਪਾ ਦਿਓ। ਚੰਗੀ ਤਰ੍ਹਹਾਂ ਹਿਲਾਓ। ਫੇਰ ਇਸ ਵਿੱਚ ਵੱਡੇ ਪਿਆਜ਼ ਦੇ ਟੁਕੜੇ ਪਾਓ ਅਤੇ ਥੋੜਾ ਹਿਲਾਓ। ਹੁਣ ਤੁਸੀ ਇਸ ਵਿੱਚ ਧੋ ਕੇ ਰੱਖੇ ਹੋਏ ਚੌਲਾਂ ਨੂੰ ਪਾ ਸਕਦੇ ਹੋ। ਇਸਨੂੰ ਚੰਗੀ ਤਰ੍ਹਹਾਂ ਰਲਾਓ ਅਤੇ ਲੂਣ ਪਾਓ। ਹੁਣ ਇਸ ਵਿੱਚ ਧਨਿਆ ਪੱਤਾ ਪਾਓ ਅਤੇ ਹਿਲਾਓ। ਕੁਝ ਕੱਟੇ ਹੋਏ ਤੇਜ ਪੱਤਾ ਇਸ ਵਿੱਚ ਪਾਓ ਅਤੇ ਲੋੜੀਦਾ ਪਾਣੀ ਪਾਓ ਕਿ ਚਾਵਲ ਉਸ ਵਿੱਚ ਪੂਰੀ ਤਰ੍ਹਹਾਂ ਡੁੱਬ ਜਾਣ। ਇਸਨੂੰ ਹੋਲੀ ਹੋਲੀ ਹਿਲਾ ਕੇ ਢੱਕਣ ਬੰਦ ਕਰ ਦਿਓ। ਹੁਣ 5 ਮਿੰਟਾਂ ਤੱਕ ਪਕਾਓ।
ਭਾਂਡੇ ਦਾ ਢੱਕਣ ਹਟਾਓ ਅਤੇ ਧੋੜਾ ਜਿਹਾ ਨਿੰਬੂ ਦਾ ਰਸ ਪਾਓ। ਇਸਨੂੰ ਚੰਗੀ ਤਰ੍ਹਹਾਂ ਰਲਾਓ।
ਕਾਜੂ ਗਿਰੀ, ਸੌਗੀ, ਭੁੱਜੇ ਹੋਏ ਪਿਆਜ਼ ਨਾਲ ਸਜਾਓ ਅਤੇ ਇਸ ਘਿਓ ਚਾਵਲ ਨੂੰ ਗਰਮਾਗਰਮ ਪਰੋਸੋ।