തിരുവനന്തപുരം നഗരത്തിലെ പ്രധാനപ്പെട്ട മുസ്ലീം പള്ളികളില് ഒന്നായ പാളയം ജുമാ മസ്ജിദ് പൊതുവര്ഷം 1813-ലാണ് നിര്മ്മിച്ചത്, ആദ്യം ഒരു ചെറിയ നിര്മ്മിതി. പിന്നീട് മാറുന്ന ആവശ്യങ്ങള്ക്കും, കാലത്തിനും അനുസരിച്ച് ഇതിന് വലിയ മാറ്റങ്ങളും പരിഷ്ക്കാരങ്ങളും സംഭവിച്ചു.
തിരുവനന്തപുരം നഗരഹൃദയത്തിൽ സ്ഥിതി ചെയ്യുന്ന പാളയം ജുമാ മസ്ജിദിന്റെ പ്രാര്ത്ഥനാ തളം ലാളിത്യവും വിശാലതയും ആത്മീയ ഗൗരവവും ഒരുമിച്ച് പ്രകടിപ്പിക്കുന്ന വിശുദ്ധ ഇടമാണ്. നഗരത്തിന്റെ തിരക്കിനിടയിലും ശാന്തമായ ആരാധനാ അന്തരീക്ഷം നൽകുന്ന പ്രത്യേകത ഈ പ്രാര്ത്ഥനാ തളത്തിനുണ്ട്.
വിശാലമായ പ്രാര്ത്ഥനാ തളം, ഒരേസമയം വലിയൊരു സംഘം വിശ്വാസികള്ക്ക് നമസ്കരിക്കാന് സൗകര്യമൊരുക്കുന്നു. ഉയർന്ന മേല്ക്കൂരയും തുറന്ന ഇടക്രമീകരണവും വെളിച്ചവും കാറ്റൊഴുക്കും സ്വാഭാവികമായി ലഭിക്കുന്ന തരത്തിലാണ് നിർമ്മിച്ചിരിയ്ക്കുന്നത്.
നഗരജീവിതത്തിന്റെ ശബ്ദവും തിരക്കും മറികടന്ന്, ഏകാഗ്രതയും സമാധാനവും നല്കുന്ന അന്തരീക്ഷമാണ് ഇവിടെ അനുഭവപ്പെടുന്നത്.
