కయాకింగ్ మరియు కానోయింగ్

కేరళలో సాగే కయాకింగ్ మరియు కానోయింగ్ ప్రయాణాలు కేవలం దూరాన్ని చేరుకోవడం కోసం కాకుండా, నీటిలో మీరు సాగే గమనాన్ని ఆస్వాదించడం కొరకు ఉద్దేశించబడినవి. ఈ స్థాయిలో, ఆ అనుభవం ఎంతో నిదానంగా సాగుతుంది. కాల్వలు, నదులు, మడ అడవులు మరియు కాయల్ జలాలు ఎటువంటి ఆటంకాలు లేకుండా మీ చుట్టూ ఎంతో ప్రశాంతంగా ఆవిష్కృతమవుతాయి.

నీటి మట్టానికి సమీపంలో ఉండే ఒక చిన్న పడవలో ప్రయాణిస్తూ, తీరం వెంబడి సాగే సామాన్య జీవన విధానాన్ని మీరు చూడవచ్చు. పల్లెటూరి దృశ్యాలు, వివిధ రకాల పక్షుల కిలకిలారావాలు మరియు మత్స్యకారుల వేట వంటివన్నీ సహజంగానే మీ కంటిముందు సాక్షాత్కరించి, ఈ యాత్రను కేవలం గమనం లాగా కాకుండా ఒక అద్భుత వీక్షణగా మారుస్తాయి.

దక్షిణాన గల కోవలం, వర్కల నుండి ప్రారంభమై కొల్లం మడ అడవులు, కొచ్చి మరియు చెరాయి కాయల్ ప్రాంతాలు, అలాగే కోజికోడ్, వయనాడ్, కాసరగోడ్ నదీ వ్యవస్థల వరకు ఎన్నో చిన్న పరిసరాలలో అధికారిక నిర్వాహకులు ఈ గైడెడ్ కయాక్ మరియు కానో యాత్రలను అందిస్తున్నారు. చాలామంది ఆపరేటర్లు సూర్యోదయం లేదా సూర్యాస్తమయం టైమ్‌లో చేసే ఈ ట్రిప్స్‌తో పాటు, చిన్నగా పల్లెటూళ్లలో తిరగడం లేదా పక్షులను చూడటం లాంటివి కూడా కలిపి ప్లాన్ చేస్తారు.

సాధారణంగా, అక్టోబర్ నుండి మార్చి వరకు గల కాలాన్ని అత్యంత అనుకూలమైన సీజన్‌గా భావిస్తారు; ఈ సమయంలో ఉష్ణోగ్రతలు తక్కువగా ఉండి, జలాలు ప్రశాంతంగా ఉండటం వల్ల ప్రారంభ అభ్యాసకులకు ఎంతో అనుకూలంగా ఉంటుంది.

During other months, some routes may still operate, but heavy rain or strong winds can have an impact on the timings. Most of the trips are done in small, trained groups who provide life jackets, some basic instruction, and have their routes mapped out in advance. వేరే నెలల్లో కూడా కొన్ని రూట్స్‌లో బోట్లు నడుస్తాయి, కానీ భారీ వర్షాలు లేదా పెద్ద గాలులు వస్తే ఈ సమయాలలో మార్పులు వచ్చే అవకాశం కలదు. ఈ యాత్రలు చాలా వరకు చిన్న బృందాల ద్వారానే నిర్వహించబడతాయి; వీరు లైఫ్ జాకెట్లు, ప్రాథమిక సూచనలు అందించడమే కాకుండా తమ ప్రయాణ మార్గాలను ముందే సిద్ధం చేసుకుంటారు.