सुंदर पसरलेली हिरवळ, अनेक उंचसखल प्रदेश, शेकडो झरे, ओढे आणि रोमांचक धबधबे यामुळे वेल्लारी मला हे तुमच्यासाठी खरेखुरे विसाव्याचे ठिकाण आहे जेथे तुम्ही अमर्याद ताज्या हवेत मनसोक्त डुंबू शकता. कांजिरपुझा नदी, चालियार नदीची उपनदी, खडकाळ प्रदेशातूओन वाहते आणि अनेक ठिकाणी झरे आणि धबधबे निर्माण करते. या भूमीचे सौंदर्य आणि स्थलाकृतींमुळे हे एक गिर्यारोहकांचे नंदनवन बनले आहे आणि आबालवृद्धांसाठी वेळ घालविण्यासाठी एक चांगले सहलीचे ठिकाणही आहे.
इरिंगल
इरिंगलचा सुप्रसिद्ध पुत्र कुंजली मारक्कर शूर सेनापती झाला आणि जोमोरिनांच्या सैन्याचे त्याने नेतृत्व केले आणि केरळ किनाऱ्यावर उतरण्याचे प्रयत्न करणाऱ्या पोर्तुगीज जहाजांचे मनसुबे उधळून लावले. जोमोरिनांच्या या शूर सेनापतीचे जन्मस्थान मूरादि नदीच्या दक्षिण किनाऱ्यावर आहे. आज, केरळी लोक या सेनापतीचा पराक्रम आणि मातृभूमीसाठी केलेले बलिदान याचे आदराने स्मरण करतात.
पुरातत्त्व विभागाने या जन्मस्थानाचा ताबा घेऊन त्याला जतन केले आहे आणि पुढील पिढ्यांना केरळच्या या पराक्रमी पुत्राला वंदन करण्याची संधी दिली आहे.
येथे पोहोचण्यासाठी:
- जवळचे रेल्वे स्थानक: वडकारा
- जवळचा विमानतळ: करिपूर आंतरराष्ट्रीय विमानतळ, कोझिकोड, कोझिकोड शहरापासून साधारण 23 किमी.