पालक्काड जिल्ह्यातील नेनेमारा शहरामधून नेल्लियमपथी पर्वतरांगांची ढगांनी झाकलेली अशी साखळी पहावयास मिळते, खरोखर हे दृश्य अतिशय मनोहारी असते. या पर्वतरांगांची उंची 467 मीटर ते 1572 मीटर पर्यंत आहे. नेल्लियमपथीपर्यंत पोहोचण्यासाठी नेनमारा मधून जाणार्या मार्गावरून जावे लागते, जो पोथुंडी डॅमपर्यंत जाऊन पोहोचतो. नेल्लियमपथीच्या मार्गावर केसाच्या पिनेच्या आकारासारखी दहा वळणे आहेत, येथून अतिशय काळजीपूर्वक जावे लागते.
पोथुंडी डॅम हे एक मनोहर स्थळ आहे, जेथे नौकाविहाराची सुविधा उपलब्ध आहे तसेच एक सहलीचे ठिकाण म्हणून ह एक उत्तम पर्याय आहे. नेल्लियमपथीला जाताना घाटातल्या रस्त्यांवर कित्येक ठिकाणी पालक्काड लिल्ह्याचा विस्तृत भूभाग दिसून येतो.येथील धान्यांनी युक्त अशी शेते पाहून जणु काही डुलणारी अशी चादरच आहे असे वाटते. येथे पालक्काड गॅपचा मनोरम देखावा पहावयास मिळतो.ही पश्चिमी घाटाच्या संरचनेतील एक भौगोलिक परिघटना आहे. य़ॆथून आपल्याला शेजारीच असलेल्या तामिळनाडू राज्यातील काही भागदेखील पहावयास मिळतो.
पुढे चालत असताना, बायो-फ़ार्मिंग/जैव-शेतीत रुची असणार्या लोकांना जवळील शेतांमध्ये आणि वेगवेगळ्या प्लांटेशन कंपन्यांचे चहाचे मळे अगदी जवळून पहावयास मिळतात. नेल्लियमपथीच्या पर्वतरांगा संत्र्यांच्या शेतीसाठीदेखील ओळखल्या जातात.
नेल्लियमपथीच्या पर्वतरांगामधील कित्येक ठिकाणे खाजगी हॉटेल आणि रिसॉर्ट्स यांनी युक्त आहेत. पलगपैंडीच्या सर्वोच्च शिखरावर पोहचण्याआधी येथे असलेली जैव-शेती हा एक प्रमुख विशेष आहे. पलगपैंडी इस्टेट्मध्ये एक अनोखा बंगला आहे, जो इंग्रजांच्या शासनात बांधला गेला होता. याला आता खाजगी रिसॉर्टमध्ये रूपांतरित केले आहे. कैकैट्टी मध्ये एक सामुदायिक हॉल आहे, जो ट्रेकिंग करणार्यां लोकांसाठी पायथ्याचा तळ म्हणून वापरला जातो.
पलगपैंडीपासून अगदी जवळच सीताकुंडु येथे तुम्ही चित्ताकर्षक देखावा पाहू शकता. येथे 100 मीटर उंचीचा एक धबधबा आहे,जो येथील सौंदर्यात अधिकच भर घालतो. पलगपैंडी पासून ट्रेकरमार्फ़त किंवा जीपमधून ममपारा येथे पोहोचू शकता ,जे नेल्लियमपथीचे दुसरे आकर्षक स्थान आहे. पलगपैंडी इस्टेटच्या चारही बाजूंना चहा, वेलदोडे तसेच कॉफ़ीचे मळे उपलब्ध आहेत. याच्याच शेजारी असलेल्या पर्वतांमध्ये भारतीय गौर, हत्ती, चित्ते, विशाल खारी यांसारख्या वन्यजीवांचे दर्शन घडते. हे ठिकाण पक्षीप्रेमींसाठी देखील जणू स्वर्गच आहे.
येथे पोहोचण्यासाठी:
- जवळचे रेल्वे स्थानक: पालक्काड, नेल्लियमपथीपासून साधारण 52 किमी
- जवळचा विमानतळ: कोइम्ब्तूर, पालक्काडपासून साधारण 55 किमी.