स्थळ: मन्नारकाड पासून 40 किमी,पालक्काड जिल्हा,उत्तर केरळ.
आकर्षण: हा उष्ण कटिबंधीय वर्षा जंगलाचा अत्यंत अनोखा परंतु नाजूक जतन आहे जिथे अनेक प्रकारच्या वनस्पति आणि प्राणीजातिची विविधतापूर्ण रोपवाटिका आहे,त्यातील काही जाती तर संपूर्ण जगात इतरत्र कुठेही आढळत नाही.
90 चौ.किमी क्षेत्र असलेले साइलेंट व्हॅली राष्ट्रीय उद्यान पलक्काड जिल्ह्यातील उत्तरीपूर्व कोपर्यात उभारले आहे.उत्तरेतील निलगिरी पठारापर्यंत विस्तारलेले असून दक्षिणेतील मन्नारकड सपाट मैदानापेक्षा उंच आहे.
निलगिरी बायोस्फ़िअर रीझर्व्हचे (जीवावरण साठा) मर्मस्थान साइलेंट व्हॅली राष्ट्रीय उद्यान आहे. असे नाव असून सुद्धा, साइलेंट व्हॅली (रातकिड्याचा आवाज येथे ठळकपणे अनुपस्थित आहे.) येथे जैविक विविधतेचा साठा आहे. जीवशास्त्राचे विद्यार्थि, व्यावसायिक शास्त्रज्ञ आणि क्षेत्र जीवशास्त्रज्ञ यांच्यासाठी हे खरोखरच नंदनवन आहे.
कदाचितच आपल्याला दुसरीकडे पश्चिमी घाटातील जैविक विविधतेचा असा संग्रह पहायला मिळेल–1000 हून अधिक जातीची पुष्प वनस्पति ज्यात 110 जातीचे ऑर्किड असून, 34हून अधिक जातीचे सस्तन प्राणी, साधारण 200 जातीची फ़ूलपाखरे, 400 प्रकारचे पतंग, 128 जातीचे भूंगे ज्यात 10 विज्ञानासाठी नविन आहेत, साधारण 150 प्रकारचे पक्षी ज्यात जवळजवळ सर्व 16 देशज दक्षिण भारतात सापडणारे पक्षी सामिल आहेत.
कुंती नदी, निलगिरी पर्वतापासून 2000 मी. समुद्रसपाटीपासूनच्या उंचीवरुन वाहते, आणि संपूर्ण लांबीच्या दरीतून वहात घनदाट जंगलातील मैदानावरुन पुढे जाते.बारमाही आणि दुथडी भरुन वाहणार्या कुंती नदीचे पाणी कधीही गढूळ होत नाही तर नेहमी काचेसारखे स्वच्छ असते.
ह्या जंगलांमधून होणारे बाष्पोत्सर्जन कोणत्याही दुसर्या ठिकाणी होणार्या बाष्पोत्सर्जनापेक्षा अधिक असते. ह्यामुळे वातावरण थंड होते, आणि पाण्याच्या वाफेचे द्रवीभवन सहजपणे होते, त्यामुळे सपाटीवर ग्रीष्मकालिन वर्षा होते.
येथे पोहोचण्यासाठी:
- जवळचे रेल्वेस्टेशन: पालककाड, साधारण 80 किमी
- जवळचा विमानतळ: कोईम्बतूर (जवळच्या तामिळनाडू राज्यात), साधारण 55 किमी