स्थान: थिरुवनंतपुरमपासून 70 किमी
आकर्षणे: दुर्मिळ वनस्पती आणि औषधी झाडे.
असे मानले जाते कि, अगस्त्य जंगल हे पुराणकथांमधील ऋषि अगस्ति यांचे निवासस्थान होते. याच्या भोवताली सर्वत्र ट्रेकिंगची स्थाने आणि घनदाट जंगल वेढलेले आहे.
पश्चिमी घाटाने वेढलेले अगस्त्यकुडम हे तीक्ष्ण, शंखाकार तसेच आलिशान असून ते 1890 मीटर उंचीवर स्थित आहे. दुर्मिळ वनस्पती आणि औषधी झाडांसाठी हा जणू स्वर्गच आहे. याच्या उतारावर जेव्हा नीलकुरिंजीची रंगीबेरंगी फुले फुललेली आपण पाहतो तेव्हा तर ते अधिकच मनोहर दिसते. असे म्हणतात की नीलकुरिंजीची फुले ही बारा वर्षातून एकदाच फुलतात.
या पर्वताच्या शिखरावर महिलांना चढण्यास मनाई आहे. असे मानले जाते कि याठिकाणी पुराणांमध्ये वर्णन केलेल्या अगस्ति ऋषिंचा निवास आहे. हे ऋषि ब्रम्हचारी होते आणि अपरिचित स्त्रियांना ते स्वतःपासून दूर ठेवत. डिसेंबरच्या दुसर्याऋ आठवड्यापासून ते फेब्रुवारी महिन्यापर्यंतचा काळ येथे ट्रेकिंग करण्यासाठी योग्य मानला जातो. यासाठी थिरुवनंतपुरमच्या पी.टी.ए. नगराच्या वन विभागातील वन्यजीव वॉर्डनकडून फ़ॉरेस्ट पास उपलब्ध करून घ्यावे लागतात.
येथे पोहोचण्यासाठी:
- जवळचे रेल्वे स्थानक: थिरुवनंतपुरम सेन्ट्रल, बोनाकॉर्ड्पासून साधारण 61 किमी
- जवळचा विमानतळ: थिरुवनंतपुरम आंतरराष्ट्रीय विमानतळ, बोनाकॉर्ड्पासून साधारण 67 किमी.