हा व्हिडिओ तीयल कसे बनवायचे ते दाखवतो.
सामग्री
- वांगी (लहान) - 4
- लहान कांदे - 10
- लाल तिखट - 1 चमचा
- धणे पावडर - 2 चमचे
- हळद - ½ चमचा
- ठेचलेले मिरे - ½ चमचा
- चिंचेचे पाणी - 1/2 कप
- मोहरी - 1 चमचा
- नारळ (खोवलेला) - 1 कप
- मेथी - 1 चमचा
- खोबरेल तेल- 3 चमचा
- कढीपत्ता
- मीठ - चवीपुरते
- लाल मिरच्या
कृती
एका कढईत, थोडे तेल गरम करा. खोवलेला नारळ घाला व तांबूस होईपर्यंत परता, आता मेथी घाला. परतत रहा. धणे पावडर, लाल तिखट, ठेचलेली मिरी आणि हळद घाला. चांगले परता. लहान कांदे घालून पुन्हा परता. या सगळ्याचे वाटून वाटण बनवा आणि बाजूला ठेवा.
दुसरी कढई घेऊन 2 चमचे तेल गरम करा. यात तुकडे केलेली वांगी आणि लहान कांदे घाला. चांगले परता. भांडे झाका आणि थोडा वेळ शिजवा.
आता तुम्ही झाकण काढून थोडे ढवळून पुन्हा झाकण ठेवा आणि थोडा अधिक वेळ शिजवा. झाकण पुन्हा काढा आणि चिंचेचे पाणी घाला आणि सुरुवातीला केलेले वाटण घाला. त्याला उकळी येऊ द्या. यात, थोडॆ पाणी घाला. हळूवार ढवळा आणि मीठ घाला. पुन्हा ढवळा.
आता तीयल साठी फोडणी तयार करा. थोडे तेल गरम करून मोहरी, लाल मिरच्या आणि कढीपत्ता घाला. फोडणी तीयलवर घाला.
गरमागरम वाढा.