देवाच्या स्वतःच्या भूमीतील काजू हा लोकप्रिय सुखा मेवा हा केरळी लोकांकडून कच्चा किंवा भाजलेल्या स्वरूपात किंवा खारवलेल्या रुपात खाल्ला जातो.शतकानुशतके केरळमधील निर्यातीच्या व्यापारातील काजू हा एक पदार्थ आहे, ज्याचा वापर भोजनातील गोड पदार्थांचा स्वाद वाढवण्यासाठी केला जातो.असे म्हटले जाते कि पोर्तुगीज व्यापार्‍यांकडून सर्वप्रथम काजू केरळात आणला गेला.

काजूच्या झाडाला (एनाकार्डियम ऑक्सिडेंटल) मल्याळम भाषेमध्ये साधारणतः परंगी मावू असे म्हटले जाते.आणि केरळमधील काजू प्रोसेसिंग करणारी सर्वाधिक केंद्रे ही मुख्यतः कोल्लम जिल्यामध्ये आहेत.

काजूच्या झाडाची ऊंची साधारण 12 मीटर्पर्य़ंत असते आणि जास्तकरून भारत, श्रीलंका, मलेशिया, फ़िलिपीन्स, आफ़्रिका आणि ब्राझिल यांसारख्या ऊष्ण कटिबंधात याची लागवड होते.ही झाडे लागवडीच्या तिसर्‍या वर्षापासून फ़लनास प्रारंभ करतात. आठ ते दहा वर्षांपासून झाडांना फळे लागण्याची क्षमता सर्वाधिक असते तसेच ह्या झाडांचे आयुष्य साधारणतः तीस ते चाळिस वर्षे असते.

काजूच्या प्रोसेसिंगमध्ये काजू भाजणे, त्याच्या कडा व साले सोलणॆ, सालांमधून तेल काढणे, काजूचा गर खेचून काढणे, गुणवत्तेनुसार काजूगराची प्रतवारी करून त्याचे पॅकिंग करणॆ यांचा समावेश होतो. काजूची गुणवत्ता आणि तो कोणत्या ब्रॅन्डचा आहे यानुसार बाजारात उपलब्ध असणार्‍या काजूच्या किंमतीमध्ये फ़रक दिसून येतो.