कथकली हे केरळचे प्रतिक बनले आहे आणि कथकली मुखवटे किंवा मॉडेल्स आज केरळचे प्रतिनिधी मानले जातात. कला प्रकारांचे छोटे मॉडेल किंवा प्लास्टर ऑफ पॅरिसच्या छापातून बनविलेला किंवा लाकडातून कोरून काढलेला मुखवटा ही प्रसिद्ध स्मृतीचिन्हे आहेत. कथकलीची कळसूत्री बाहुल्या कथकली वेशभूषेचे शानदार प्रतिनिधित्व करतात आणि छोट्या आकाराच्या दुर्मिळ कलाकृतींपासून मोठ्या मूर्तींएवढ्या असतात.

300 वर्ष जुनी असलेली शास्त्रीय नृत्यनाटिका, कथकलीमध्ये, मूकाभिनय, मुद्रा आणि संगीत सभांचा समावेश असतो आणि पौराणिक कथांवर आधारित असतात.

मानवी आणि अतिमानवी लक्षणांचे प्रदर्शन करणारी कथकली वेशभूषा आणि सौंदर्यप्रसाधने काही प्रातिनिधिक नियमांचे पालन करतात.

वेगवेगळ्या भूमिकांसाठी मुकुट आणि चेहर्‍यावरचे रंग वेगवेगळे असतात. घेरदार परकर, मोठ्या हाताचे ब्लाऊज, भरपूर दागिने आणि विशाल मुकुट अशी कथकली वेशभूषा अन्य कला प्रकारांपेक्षा वेगळी आहे.

कथकली कळसूत्री बाहुलीच्या मॉडेलमध्ये ही सगळी लक्षणे असतात. राज्यातल्या हस्तकला एम्पोरिअम्समध्ये ही मॉडेल्स सहजरित्या उपलब्ध होतात आणि ऑर्डर देऊन ते त्या गावांमध्ये बनविले जाऊ शकतात जिथे कारागीर रहातात.