रामचम विशरी (शाब्दिक अर्थ वेट्टीवेरीपासून बनवलेला पंखा) आणि रामचमपासून बनलेल्या झोपण्याच्या चटया आणि थैलम किंवा त्याच्या मुळांपासून मिळवलेला सुगंध ही उत्पादने केरळमधे अगदी जुन्या काळापासून उन्हाळ्यमधे वापरली जातात. जरी त्यांचे उद्देश आधुनिक विद्युत उपकरणांमुळे अधिक चांगल्या पद्धतीने पुरे होत असले, तरी केरळमधील घरांमधे या सांस्कृतिक वस्तू आजही दिसून येतात.

वनस्पतीशास्त्रानुसार रामचम म्हणजे वेट्टीवेरिया जेजोनायड्स. हे गवत व त्याची मुळे वैद्यकीय उपयोगासाठी मोठ्या प्रमाणावर वापरली जातात.

सामान्यत: थंडा व सुगंधी हवा मिळण्यासाठी रामचम विशरीवर पाणी शिंपडले जाते. या रामचम चटया, उन्हाळ्याच्या दिवसात खोली थंड व सुगंधी रहावी म्हणून पाणी शिंपडून पडदे म्हणूनही वापरल्या जातात.

रामचमची मुळे, पाणी व विद्युत मोटर वापरून ‘गरीबांचे वातानुकूलन यंत्र’ बनवले जाते. या यंत्रापासून मिळणारी हवा केवळ ताजी व थंड नसून अतिशय स्वास्थकारकही असते. या पाणी गोड होण्यासाठी मातीच्या घड्यात पाणी भरून त्यात या वनस्पतीची मुळे घातली जातात. हे पाणी प्यायल्यामुळे आलेला ताप लगेच कमी होतो असे मानले जाते. उन्हाळ्याच्या संध्याकाळी खोल्या थंड राहण्यासाठी छतावर कोरडा रामचम टाकून त्यावर पाणी शिंपडण्याची पद्धत खूप जुनी आहे.