பேக்கல்

பேக்கல் மட்டி பூட்ஸ் (Bekal Muddy Boots) வழங்கும் மூங்கில் தெப்பச் சவாரியானது பரபரப்பு அல்லது வேகத்தை விட இயற்கை, ஒத்திசைவு, உள்ளூர் நிலப்பரப்பு ஆகியவற்றுக்கு அதிக முக்கியத்துவம் அளிக்கின்ற மெதுவான, ஆழ்ந்த காயல் அனுபவம் ஆகும். திறந்தநிலைக் கடற்பகுதியில் இருந்து விலகி அமைந்துள்ள இந்தச் செயல்பாடு உங்களை அமைதியான உள்நாட்டு நீர்வழிகள் வழியாக அழைத்துச் செல்கிறது. அவ்வழியில் அலையாத்திக் காடுகள் நீருக்கு நெருக்கமாக வளர்ந்துள்ளன, பறவைகள் தடையின்றி உலாவுகின்றன, வாழ்க்கையின் வேகம் குறிப்பிடத்தக்க வகையில் நிதானமாக இருப்பதாக உணரப்படுகிறது. முற்றிலும் மூங்கிலால் செய்யப்பட்ட அந்தத் தெப்பம் மிகவும் நிலையாகவும் உறுதியாகவும் இருப்பதால், பங்கேற்பாளர்கள் ஏதேனும் நடவடிக்கைக்குத் தயாராவதற்குப் பதிலாக ஆசுவாசமாகத் தங்கள் சூழலைக் கூர்ந்து கவனிக்க முடிகிறது.

காயல்களின் நீரோட்டம், ஓதங்கள், பருவகால மாற்றங்கள் ஆகியவற்றை நன்கு அறிந்த பயிற்சி பெற்ற உள்ளூர் மக்களால் இந்தப் பயணம் வழிநடத்தப்படுகிறது. கம்புகள் மற்றும் துடுப்புகளின் உதவியுடன் தெப்பம் மெதுவாக முன்னோக்கி நகரும்போது, பங்கேற்பாளர்கள் குறுகிய கால்வாய்கள், நிழல் நிறைந்த பகுதிகள், வானத்தையும் சுற்றியுள்ள பசுமையையும் பிரதிபலிக்கின்ற திறந்த நீர்நிலைகள் ஆகியவற்றின் வழியாகக் கடந்து செல்கின்றனர். இங்குள்ள மூங்கில் தெப்பச் சவாரி குடும்பங்களுக்கும், சாகச நடவடிக்கைகளில் முதன்முறையாக ஈடுபடுபவர்களுக்கும், உண்மையான, மறக்க முடியாத அனுபவத்தைத் தரும் அமைதியான, இயற்கையோடு தொடர்புடைய செயல்பாட்டைத் தேடுபவர்களுக்கும் உகந்ததாகும்.