கோழிக்கோடு

கோழிக்கோடு (ஃபெரோக்), கேரளாவின் புதிய அலைச்சறுக்குத் தலமாக ஆகியுள்ளது. இது நீண்ட மணற்பாங்கான கடற்கரைகள், சீரான அலைகள், ஒப்பீட்டளவில் அமைதியான கடற்கரை ஆகியவற்றுக்குப் பெயர்பெற்றது. இங்குள்ள கடற்கரை ஆரம்பநிலையாளர்கள் பாதுகாப்பான சூழலில் அலைச்சறுக்கு கற்றுக்கொள்ள ஓர் உகந்த இடமாக விளங்குகின்ற அதே நேரத்தில், நடுத்தர நிலை அலைச்சறுக்கு வீரர்கள் மக்கள் வருகை அதிகமுள்ள பருவத்தின்போது வழக்கமான அலைகளில் பயிற்சி செய்ய முடியும். பிற புகழ்பெற்ற கடற்கரைகளுடன் ஒப்பிடுபோது குறைந்த எண்ணிக்கையிலான நபர்களே வருவதால், ஃபெரோக் இயற்கையோடு மிகவும் இயைந்த அமைதியான, ஒருமுனைப்படுத்தப்பட்ட அலைச்சறுக்கு அனுபவத்தைக் கொடுக்கிறது.

இங்குள்ள கடற்கரைப் பகுதி நதியின் முகத்துவாரங்களில் இருந்து வருகின்ற நீரோட்டங்களாலும் திறந்த கடலில் இருந்து வரும் அலைகளாலும் இயக்கப்படுகிறது. இதன் விளைவாக ஏற்படும் சிறிய அலைகள் பயிற்சி அமர்வுகளுக்கும், பொழுதுபோக்கு அலைச்சறுக்குக்கும் மிகவும் பொருத்தமானதாக உள்ளன. இந்தக் காரணத்தினால், ஃபெரோக் வட கேரளா பகுதியில் உள்ளூர் அலைச்சறுக்கு சமூகமாகவும், இளைஞர்களால் முன்னெடுக்கப்படும் அலைச்சறுக்குச் செயல்பாட்டு மையமாகவும் மாறி வருகின்றது.