பக்திப் பாடல்களை விஞ்சும் விதமாக, நாராயண குரு வரையறைப் படைப்புகள் என அழைக்கப்படுகின்ற நல்லறிவூட்டும் நூல்களை இயற்றினார் (அனுசாசன க்ரிதிகள், இவை சமூக விழிப்புணர்வு அழைப்புகளாகச் செயல்பட்டன. இந்தப் படைப்புகள் அவரது கொள்கைகளை வெளிப்படுத்துவதையும், ஒழுக்கப்பண்புகளை வலியுறுத்துவதையும் நோக்கமாகக் கொண்டிருந்தன.
மனனமாலை எனவும் அழைக்கப்படுகின்ற ’முனி சர்ய பஞ்சகம்’, அருவிப்புரத்தில் தங்கியிருந்த காலத்தில் குருவால் இயற்றப்பட்டது. இந்த ஆழமான படைப்பு பல்வேறு இருமையற்ற நிலை விஷயங்களைப் பற்றி விவாதிப்பதுடன், இம்மை வாழ்க்கையில் இருந்து முக்தியடைந்த துறவிகளுக்கான நடைமுறைகளை எடுத்துரைக்கின்றது.
ஆன்மிக இலக்குகளில் கவனம் செலுத்தும் ஒரு துறவற அமைப்பை உருவாக்குவது அவசியம் என்பதை குரு உணர்ந்தார். இது ஸ்ரீ நாராயண தர்ம சங்கம் உருவாவதற்கு வழிவகுத்தது. ஆசிரமம் என்பது இந்த அமைப்பின் உறுப்பினர்களுக்கான துறவற விதிகளை விளக்குவதற்காக இயற்றப்பட்ட ஐந்து சமஸ்கிருத செய்யுள்களைக் கொண்ட படைப்பு ஆகும்.
தத்தகாரம் என்பது 1920-இல் குருவால் இயற்றப்பட்ட ஒரு போதனைப் படைப்பு ஆகும். ‘தத்தகாரம்’ என்ற சொல்லின் பொருள் கொடுத்ததைத் திரும்பப் பெறுதல் என்பதாகும். ஒருவருக்குக் கொடுக்கப்பட்ட பொருளைத் திருடுவது ஒரு பெரும் பாவம் என்பதை இந்தப் பாடல் நினைவூட்டுகிறது.
அகிம்சை என்ற நூல், ஜீவ காருண்ய பஞ்சகம் என்ற நூலுக்கு அடித்தளமாக அமைந்துள்ளது. இது அகிம்சையைக் கடைப்பிடிப்பதன் முக்கியத்துவத்தை உறுதிப்படுத்தும் ஐந்து செய்யுள்களைக் கொண்டுள்ளது.
தீங்கற்ற விலங்குகளை உண்ணுபவனுக்கு உயிருடன் வாழும்போதும், மரணத்துக்குப் பின்னரும் எந்த மனநிறைவும் கிடைக்காது. விலங்குகளுக்குத் தீங்கு செய்வதையோ அல்லது கொல்வதையோ தவிர்த்து, அவற்றின் மீது அன்பு செலுத்தும் ஒருவர் அளவற்ற பேரின்பத்தை அடையலாம். இது இந்த நூலின் மூலம் தெரிவிக்கப்பட்ட கருத்தின் சாரம் ஆகும்.
அனுகம்பா தசகம் என்ற நூல் சமய நல்லிணக்கம் குறித்த குருவின் மெய் உணர்தல் ஆகும். இதன் தொடக்க காலம் குறித்துத் தெளிவாகத் தெரியவில்லை என்றாலும், சர்வ சமய மாநாடு குறித்த கருத்து வடிவமைக்கப்பட்டு வந்த காலத்தில் ஆலுவா அத்வைத ஆசிரமத்தில் இது இயற்றப்பட்டதாக நம்பப்படுகிறது. இது, கருணையிலிருந்து விலகிச் செல்லும் ஒரு சமூகம் குறித்த குருவின் கவலையில் இருந்து உருவான ஒரு படைப்பு ஆகும்.
அனுகம்பா தசகம் குருவின் நல்லறிவூட்டும் நூல்களில் மிகச் சிறந்ததாக விளங்குகிறது. வைக்கம் சத்தியாகிரகம் போன்ற போராட்டங்களுக்கு மத்தியில், குரு தனது சக மனிதர்களிடம் கருணையின் மதிப்பை மனதில் விதைப்பதை நோக்கமாகக் கொண்டிருந்தார். சமூகச் சிந்தனையே வாழ்க்கையை வெறுக்கத்தக்கதாக மாற்றுகிறது என்பதை குரு உணர்ந்தார். சமயம், நிறம், வகுப்பு ஆகியவற்றின் அடிப்படையில் மக்கள் தடுமாறிக்கொண்டிருந்தனர். அனுகம்பா தசகம் மூலம் ஒற்றுமையின் போதனையை அவர் தெரிவிக்க விரும்பினார்.
அனுகம்பா தசகத்தில் சேர்க்கப்பட்டுள்ள பாலசுருதி, அதை மற்ற நீதிபோதனை நூல்களிலிருந்து வேறுபடுத்துகிறது. பாலசுருதி என்பது பத்து செய்யுள்களின் தொகுப்பு ஆகும். அனைத்து வேதங்களின் சாரமும் ஒன்றே எனும் உண்மை இந்தச் செய்யுள்களில் அடங்கியுள்ளது.
