ଅବସ୍ଥିତି: ଏହା ତିରୁବନନ୍ତପୁରମରୁ ପ୍ରାୟ 32 କିଲୋମିଟର ଦୂର ।
ବିଭିନ୍ନ ବିରଳ ଔଷଧୀୟ ଗୁଳ୍ମରେ ଭରପୂର ଏହି ଅଂଚଳ, ନେୟାର ଡ୍ୟାମ୍ ହେଉଛି ଏକ ଲୋକପ୍ରିୟ ବଣଭୋଜି ସ୍ଥଳ । ଏହା ନିକଟରେ ରହିଛି ଏକ ସୁନ୍ଦର ଡ୍ୟାମ୍ ଓ ହ୍ରଦ । ନେୟାର ନଦୀରେ ଏହି ବନ୍ଧଯୋଗୁଁ ଯେଉଁ ହ୍ରଦ ସୃଷ୍ଟି ହୋଇଛି ତାହାର ଜଳ ଅତ୍ୟନ୍ତ ନୀଳ । ଏହି ନୀଳ ଜଳରେ ପର୍ଯ୍ୟଟକ ନୌଚାଳନ କରିବାର ଇଛା ସମ୍ବରଣ କରିପାରନ୍ତି ନାହିଁ ।
ନେୟାର ବନ୍ୟପ୍ରାଣୀ ଅଭୟାରଣ୍ୟ ଯାହାର ଅଂଶ ହେଉଛି ଏହି ଡ୍ୟାମ୍ । ସେଠାରେ 100ରୁ ଅଧିକ ପ୍ରଜାତିର ବୃକ୍ଷଲତା ସହ ଏସୀୟ ହାତୀ, ବାଘ, ଚିତାବାଘ, ସ୍ଲେଣ୍ଡର ଲୋରିସ୍ ଏବଂ ବିଭିନ୍ନ ସରିସୃପ ଯେପରି କି ନାଗ, ଟ୍ରାଭେନକୋର୍, କଇଁଛ ଇତ୍ୟାଦି ବାସ କରନ୍ତି । ଏହି ବନ୍ଧ ପାର୍ଶ୍ୱରେ ଏକ କୁମ୍ଭୀର ପ୍ରଜନନ କେନ୍ଦ୍ର ଓ ସିଂହ ସଫାରୀ ଉଦ୍ୟାନ ମଧ୍ୟ ରହିଛି ।
ଏଠାରେ ପହଂଚିବା ପାଇଁ:
ଏହି ନଦୀବନ୍ଧ ସ୍ଥାନକୁ ମୋଟର ଯାନରେ ଯାଇହୁଏ । ତିରୁବନନ୍ତପୁରମ୍ ସହରରୁ ନିୟମିତ ବସ୍ ସେବା ଦ୍ୱାରା ଉତ୍ତମ ଗମନାଗମନ ସୁବିଧା ରହିଛି ।
- ନିକଟତମ ରେଳଷ୍ଟେସନ: ତିରୁବନନ୍ତପୁରମ୍, ପ୍ରାୟ 32 କି.ମି. ଦୂର ।
- ନିକଟତମ ବିମାନ ବନ୍ଦର: ତିରୁବନନ୍ତପୁରମ୍ ଆନ୍ତର୍ଜାତୀୟ ବିମାନ ବନ୍ଦର, ପ୍ରାୟ 38 କି.ମି.