ଏହି ଭିଡିଓ ପାଝମ୍ (କଦଳୀ) ପୁଲିସେରିର ପ୍ରସ୍ତୁତି ଦର୍ଶାଉଛି ।
ଉପାଦାନଗୁଡିକ
- ପାଚିଲା କଦଳୀ- 1
- ନଡିଆ (କୋରା ହୋଇଥିବା)- 1 କପ୍
- କଞ୍ଚା ଲଙ୍କା- 3ଟି
- ହଳଦିଗୁଣ୍ଡ- 1/2 ଚାଆ ଚାମଚ
- ଧନିଆଗୁଣ୍ଡ- ¼ ଚାଆ ଚାମଚ
- ମେଥିଗୁଣ୍ଡ- ¼ ଚାଆ ଚାମଚ
- ଘୋଳ ଦହି- 500 ମି.ଲି.
- ଚିନି- 1 ଚାଆ ଚାମଚ
- ଲୁଣ
- ତେଲ
- ଭୃଷଙ୍ଗ ପତ୍ର
- ପିଆଜ (ଛୋଟ)- 2ଟି
- ସୋରିଷ – 1 ଚାଆ ଚାମ (ସିଜିନିଙ୍ଗ୍ ପାଇଁ)
ପ୍ରସ୍ତୁତି ପଦ୍ଧତି
ପାଚିଲା କଦଳୀଗୁଡିକୁ ମଧ୍ୟମ ଆକାରର କ୍ୟୁବରେ କାଟନ୍ତୁ। ସେଗୁଡିକୁ ପାତ୍ରରେ ପକାନ୍ତୁ । ପାଣି ମିଶାନ୍ତୁ ଏବଂ ଭଲ ଭାବରେ ରାନ୍ଧନ୍ତୁ ।
ବର୍ତ୍ତମାନ, ଗୋଟିଏ କଡ଼ାଇ ନିଅନ୍ତୁ, ଏବଂ କିଛି ତେଲ ଗରମ କରନ୍ତୁ । ସୋରିଷ ପକାନ୍ତୁ, ଏହା ଫୁଟିଗଲେ ଭୃଷଙ୍ଗ ପତ୍ର ଓ ଛୋଟ ପିଆଜ ପକାନ୍ତୁ । ଟିକେ ଗୋଳାଇ ଦିଅନ୍ତୁ ଓ ମେଥିଗୁଣ୍ଡ ପକାନ୍ତୁ । ପୁଣି ଟିକେ ଭାଜନ୍ତୁ, ଏବେ ଶୁଖିଲା ଲଙ୍କା, ନଡିଆ କୋରା, ହଳଦିଗୁଣ୍ଡ, ଜିରାଗୁଣ୍ଡରୁ ତିଆରି କରାଯାଇଥିବା ପେଷ୍ଟ ମିଶାନ୍ତୁ। ଭଲ ଭାବରେ ଗୋଳାଇ ଦିଅନ୍ତୁ ।
ଏବେ ଆପଣ ଏଥିରେ ସିଝା ହୋଇଥିବା ପାଚିଲା କଦଳୀ ମିଶାଇ ପାରିବେ । କିଛି ପାଣି ଢ଼ାଳନ୍ତୁ । ଭଲ ଭାବରେ ଗୋଳାନ୍ତୁ । ଚିନି ଓ ଲୁଣ ମିଶାନ୍ତୁ । ଏଗୁଡିକୁ ଭଲ ଭାବରେ ଗୋଳାନ୍ତୁ । ଯେତେବେଳେ ଏହା ଫୁଟିଯାଏ, ଘୋଳଦହି ମିଶାନ୍ତୁ ଏବଂ ଭଲ ଭାବରେ ଗୋଳାଇ ଦିଅନ୍ତୁ ।
ବର୍ତ୍ତମାନ ସମୟ ହେଉଛି ପାଝମ୍ ପୁଲିସେରିର ଆନନ୍ଦ ନେବା ସମୟ ।