ଚିକେନ୍, ଥୋରାନ, ଆମିଷ, ବ୍ୟଞ୍ଜନ, ଭିଡିଓ, କେରଳ, ପର୍ଯ୍ୟଟନ, ଭାରତ

ଉପାଦାନଗୁଡିକ

କୁକୁଡା ମାଂସ ବା ଚିକେନ୍ ଖଣ୍ଡ (ଛୋଟ ଛୋଟ ଖଣ୍ଡରେ କଟାଯାଇଥିବା)- 1/2 କି.ଗ୍ରା. (ହାଡ ବ୍ୟତୀତ)
ପିଆଜ (କଟା ଯାଇଥିବା)- 2 କପ୍
ରସୁଣ (ଚୁନା ଚୁନା କଟାଯାଇଥିବା)- 2 ଚାଆ ଚାମଚ
ଅଦା (ଚୁନା ଚୁନା କଟାଯାଇଥିବା)- 2 ଚାଆ ଚାମଚ
କଞ୍ଚା ଲଙ୍କା (ଚୁନା ଚୁନା କଟାଯାଇଥିବା)- 8ଟି
ଚିକେନ୍ ମସଲା ଗୁଣ୍ଡ- 2 ଚାଆ ଚାମଚ
ଗୋଲମରିଚ (ଗୁଣ୍ଡ ହୋଇଥିବା)- 1 ଚାଆ ଚାମଚ
ଜିରା- 1 ଚାଆ ଚାମଚ
ନଡିଆ (କୋରା ହୋଇଥିବା)- 1 କପ୍
ଭୃଷଙ୍ଗ ପତ୍ର
ଧନିଆ ପତ୍ର- 1/2 କପ୍
ଲୁଣ
ତେଲ
ସୋରିଷ- 1 ଚାଆ ଚାମଚ
ବିରିଡାଲି- 1 ଚାଆ ଚାମଚ
ତେଜପତ୍ର

ପ୍ରସ୍ତୁତି ପଦ୍ଧତି
ଗୋଟିଏ କଡେଇ (ବଡ଼ ବାସନ)ରେ ତିନି ଚାଆ ଚାମଚ ତେଲ ଗରମ କରନ୍ତୁ । ସୋରିଷ ମଞ୍ଜି, ବିରି ଡାଲି, ଜିରା, ଭୃଷଙ୍ଗ ପତ୍ର, ଅଦା ଏବଂ ରସୁଣ ପକାନ୍ତୁ । ଏବେ କଞ୍ଚା ଲଙ୍କା ଓ ବଡ଼ ପିଆଜ ପକାନ୍ତୁ । ଭଲ ଭାବରେ ଗୋଳାଇ ଭାଜନ୍ତୁ ଏବଂ ଚିକେନ ଖଣ୍ଡ ପକାନ୍ତୁ । ଧୀରେ ଧୀରେ ଗୋଳାନ୍ତୁ । ଚିକେନ ମସଲା, ଗୋଲମରିଚ ଗୁଣ୍ଡ, ହଳଦି ଗୁଣ୍ଡ ଏବଂ ଲୁଣ ମିଶାନ୍ତୁ ।

ଆପଣ ଏବେ ଦୁଇ କପ୍ ପାଣି ମିଶାଇପାରିବେ । ତେଜ ପତ୍ର ପକାନ୍ତୁ । ପାତ୍ରକୁ ଢ଼ାଙ୍କି ଦେଇ ଭଲ ଭାବରେ ରାନ୍ଧନ୍ତୁ । ଯେତେବେଳେ ସବୁ ପାଣି ଶୋଷି ହୋଇଯାଏ, କୋରା ହୋଇଥିବା ନଡିଆ ପକାନ୍ତୁ । ଭଲ ଭାବରେ ଗୋଳାନ୍ତୁ । କିଛି ଅଧିକ ସମୟ ପାଇଁ ରାନ୍ଧନ୍ତୁ । ଚୁନା ଚୁନା କଟା ହୋଇଥିବା ଧନିଆପତ୍ର ପକାଇ ଆଉ ଟିକେ ଗୋଳାଇ ଦିଅନ୍ତୁ ।

ସ୍ୱାଦିଷ୍ଟ ଏବଂ ମସଲାଦାର ଚିକେନଥୋରାନ୍ ଏବେ ଆପଣଙ୍କ ପାଇଁ ପ୍ରସ୍ତୁତ ।