ଉପାଦାନଗୁଡିକ
- ଚିକେନ୍- 1/2 କି.ଗ୍ରା. (ହାଡ ବ୍ୟତୀତ)
- ନଡିଆ (ବଟା ହୋଇଥିବା)- 1 କପ୍
- ଅଦା – 1 ଇଞ୍ଚ ଲମ୍ବା ଖଣ୍ଡ
- ରସୁଣ- 6ଟି
- କଞ୍ଚା ଲଙ୍କା- 6ଟି
- ନଡିଆ ତେଲ
- ଛୋଟ ପିଆଜ- 1 କପ୍
- ବଡ଼ ପିଆଜ- 1ଟି
- ଟମାଟୋ- 1ଟି
- ଲଙ୍କା ଗୁଣ୍ଡ- 1 ଚାଆ ଚାମଚ
- ହଳଦିଗୁଣ୍ଡ- 1/2 ଚାଆ ଚାମଚ
- ଧନିଆ ଗୁଣ୍ଡ- 2 ଚାଆ ଚାମଚ
- ଗରମ ମସଲା- 1/2 ଚାଆ ଚାମଚ
- ଭୃଷଙ୍ଗ ପତ୍ର
- ଲୁଣ
ପ୍ରସ୍ତୁତି ପ୍ରଣାଳୀ
ଗୋଟିଏ କଡାଇରେ ଦୁଇ ଚାମଚ ତେଲ ଗରମ କରନ୍ତୁ ଏବଂ କୋରା ହୋଇଥିବା ନଡିଆ ଭାଜି ପକାନ୍ତୁ । ଧନିଆଗୁଣ୍ଡ, ଲଙ୍କାଗୁଣ୍ଡ, ଗରମ ମସଲା, ହଳଦିଗୁଣ୍ଡ ପକାଇ ଭଲ ଭାବରେ ଗୋଳାଇ ଦିଅନ୍ତୁ । ଯେତେବେଳେ ଏହି ମିଶ୍ରଣ ବାଦାମୀ ରଂଗର ହୋଇଯାଏ, ଏହାକୁ ବାଟି ଦିଅନ୍ତୁ ଏବଂ ଅଲଗା କରି ରଖନ୍ତୁ ।
ବର୍ତ୍ତମାନ ଗୋଟିଏ କଡେଇ ନିଅନ୍ତୁ ଓ କିଛି ତେଲ ଗରମ କରନ୍ତୁ । ଏଥିରେ ପିଆଜ, ରସୁଣ, କଞ୍ଚା ଲଙ୍କା ଓ ରସୁଣର ମିଶ୍ରଣ ମିଶାନ୍ତୁ । କିଛି ସମୟ ପାଇଁ ଭାଜନ୍ତୁ । ଏବେ ଚିକେନ୍ ଖଣ୍ଡ ଓ ଲୁଣ ପକାଇ ଗୋଳାନ୍ତୁ । ପ୍ରାୟ ଦୁଇ କପ୍ ପାଣି ଦିଅନ୍ତୁ । ଧୀରେ ଧୀରେ ଗୋଳାନ୍ତୁ । କଡାଇ ଢ଼ାଙ୍କି ଦିଅନ୍ତୁ ଏବଂ କିଛି ସମୟ ପାଇଁ ରାନ୍ଧନ୍ତୁ ।
କଡାଇ ଖୋଲନ୍ତୁ ଏବଂ ବଡ଼ ବଡ଼ ପିଆଜ ଓ ଟମାଟୋ ପକାନ୍ତୁ । ଆଉ କିଛି ପାଣି ଦିଅନ୍ତୁ । ଏବେ କଡ଼ାଇକୁ ଢ଼ାଙ୍କି ଦେଇ 20 ମିନିଟ୍ ପର୍ଯ୍ୟନ୍ତ ରାନ୍ଧନ୍ତୁ ।
ଏବେ ଆପଣ ଢ଼ାଙ୍କୁଣୀ କାଢ଼ି ଦେଇପାରିବେ ଏବଂ ଅଲଗା ରଖାଯାଇଥିବା ବଟା ମସଲା ମିଶାଇଦେବେ । କିଛି ପାଣି ଦିଅନ୍ତୁ । ଭଲ ଭାବରେ ଗୋଳାନ୍ତୁ । କିଛି ଭୃଷଙ୍ଗ ପତ୍ର ପକାନ୍ତୁ । କମ୍ ଆଞ୍ଚରେ ଆଉ ଦଶ ମିନିଟ୍ ରାନ୍ଧନ୍ତୁ ।
ଏବେ ଏହି ସୁଆଦିଆ ଚିକେନ୍ ତରକାରିର ଆନନ୍ଦ ନେବାକୁ ପ୍ରସ୍ତୁତ ହୋଇଯାଆନ୍ତୁ ।