ଆପମ ପାଇଁ ଉପାଦାନଗୁଡିକ
- ଚାଉଳ- 1/2 କି.ଗ୍ରା.
- ନଡିଆ (ବଟା ହୋଇଥିବା)- 1 ସଂପୂର୍ଣ୍ଣ
- ଇଷ୍ଟ- 1/2 ଚାଆ ଚାମଚ
- ଲୁଣ- ସ୍ୱାଦ ଅନୁଯାୟୀ
- ଚିନି- 3 ଚାଆ ଚାମଚ
- ଭାତ- 1/2 କପ୍
ଆପମ୍- ପ୍ରସ୍ତୁତି ପଦ୍ଧତି
ଚାଉଳକୁ ପ୍ରାୟ ଚାରି ଘଣ୍ଟା ଧରି ବତୁରାଇ ଦିଅନ୍ତୁ ଏବଂ ସଂପୂର୍ଣ୍ଣ ଭାବରେ ପାଣି ନିଗାଡି ଦିଅନ୍ତୁ । କିଛି ଭାତ ନିଅନ୍ତୁ ଏଥିରେ କୋରା ନଡିଆ ମିଶାଇ ବାଟି ଦିଅନ୍ତୁ । ଇଷ୍ଟ, ଲୁଣ, ଚିନିକୁ ଫୁଟା ପାଣିରେ ପକାନ୍ତୁ ଏବଂ ଅଧଘଣ୍ଟା ପର୍ଯ୍ୟନ୍ତ ରଖିଦିଅନ୍ତୁ । ଏହାକୁ ବଟା ଯାଇଥିବା ମିଶ୍ରଣରେ ମିଶାନ୍ତୁ । ଏହି ମିଶ୍ରଣକୁ ଫୁଲିବା ପାଇଁ ଆଠ ଘଣ୍ଟା ପର୍ଯ୍ୟନ୍ତ ରଖନ୍ତୁ । ଏକ ନନ୍ଷ୍ଟିକ୍ ପ୍ୟାନରେ ଏହି ମିଶ୍ରଣକୁ ମୋଟା କରି ପକାନ୍ତୁ । ଚାରିପଟେ ଖେଳାଇ ଦିଅନ୍ତୁ ।
ପ୍ୟାନ୍ରୁ ଆପମ୍ ବାହାର କରି ଆଣନ୍ତୁ ଏବଂ ଗରମ ଗରମ ପରଷନ୍ତୁ । ଆପଣ ଏହାକୁ ଚିକେନ୍ ଷ୍ଟୁ ସହିତ ଖାଇ ଦେଖିପାରନ୍ତି ।
ଚିକେନ୍ ଷ୍ଟୁ ପାଇଁ ଆବଶ୍ୟକ ସାମଗ୍ରୀ
- ଚିକେନ ଖଣ୍ଡ- 1/2 କି.ଗ୍ରା.
- ଆଳୁ- 1ଟି
- ବଡ଼ ପିଆଜ- 2ଟି
- ଗାଜର- 1ଟି ବଡ଼
- କଞ୍ଚା ଲଙ୍କା- 5ଟି
- ରସୁଣ-8 କୋଲା
- ଅଦା- 1 ଖଣ୍ଡ
- ଡାଲଚିନି- 2 ଖଣ୍ଡ
- ଲବଙ୍ଗ- 4ଟି
- ଅଳେଇଚ- 3ଟି
- ତେଜ ପତ୍ର- 1ଟି
- ଭୃଷଙ୍ଗ ପତ୍ର
- ଧନିଆ ପତ୍ର
- ନଡିଆ ତେଲ- 3 ଚାଆ ଚାମଚ
- ମୋଟା ନଡିଆ କ୍ଷୀର- 1 କପ୍
- ଗୋଲମରିଚ ଗୁଣ୍ଡ- 1/2 ଚାଆ ଚାମଚ
ଚିକେନ୍ ଷ୍ଟୁ- ପ୍ରସ୍ତୁତି ପଦ୍ଧତି
ଚିକେନ୍, ପିଆଜ ଏବଂ ଗାଜରକୁ ଛୋଟ ଛୋଟ ଖଣ୍ଡରେ କାଟନ୍ତୁ । ପ୍ରେସରକୁକରରେ ଦୁଇ ଚାଆ ଚାମଚ ନଡିଆ ତେଲ ଗରମ କରନ୍ତୁ । ଲବଙ୍ଗ, ଡାଲଚିନି ଏବଂ ଗୁଜୁରାତି ପକାନ୍ତୁ । ସାମାନ୍ୟ ଭାଜି ଦିଅନ୍ତୁ । ଏବେ ସେଥିରେ ଅଦା ରସୁଣ ବଟା ପକାନ୍ତୁ । ତାହା ପରେ ପରେ ପିଆଜ, ଗାଜର, ଏବଂ କଞ୍ଚା ଲଙ୍କା ପକାନ୍ତୁ । ଆଉ ଟିକେ ଭାଜନ୍ତୁ । ଏବେ ଆପଣ ଚିକେନ୍ ଖଣ୍ଡ ମିଶାଇ ପାରିବେ । ପୁଣି ଭାଜନ୍ତୁ । ତେଜପତ୍ର ପକାନ୍ତୁ । ଅଧା କପ୍ ପାଣି ଦିଅନ୍ତୁ । ଏବେ ଢ଼ାଙ୍କୁଣୀ ବନ୍ଦ କରିଦେଇ ତିନି ମିନିଟ୍ ପର୍ଯ୍ୟନ୍ତ ରାନ୍ଧନ୍ତୁ ।
ଢ଼ାଙ୍କୁଣୀ କାଢ଼ି ଦିଅନ୍ତୁ ଏବଂ ଏଥିରେ ଥିବା ଜିନିଷକୁ ସସ୍ପେନ୍କୁ ନିଅନ୍ତୁ । ଟିକେ ଗୋଳାଇ ଦିଅନ୍ତୁ । ଏବେ ଲୁଣ, ଗୋଲମରିଚ ଗୁଣ୍ଡ, ଭୃଷଙ୍ଗ ପତ୍ର ଏବଂ ଧନିଆ ପତ୍ର ପକାନ୍ତୁ । ଭଲ ଭାବରେ ଗୋଳାନ୍ତୁ । ଗାଢ଼ ନଡିଆ କ୍ଷୀର ଏବଂ କିଛି ପରିମାଣରେ ତେଲ ଦିଅନ୍ତୁ । ଭଲ ଭାବରେ ଗୋଳାନ୍ତୁ ଏବଂ ଦୁଇ ମିନିଟ୍ ପର୍ଯ୍ୟନ୍ତ ରାନ୍ଧନ୍ତୁ । ଶେଷରେ ଭୃଷଙ୍ଗ ପତ୍ର ପକାଇ ଏହାକୁ ସଜାଇ ଦିଅନ୍ତୁ ।
ଆପଣଙ୍କର ଚିକେନ୍ ଷ୍ଟୁ ବର୍ତ୍ତମାନ ପ୍ରସ୍ତୁତ । ଏହା ଗରମ ଆପମ୍ ସହିତ ଖାଇବାକୁ ଭଲ ଲାଗେ ।
