ସମ୍ବର, ଆଭିଆଲ୍ ପରି ସ୍ୱାଦ ଓ ଉତ୍ତମତାରେ ଭରପୂର ହୋଇଥାଏ: ଏବଂ ଆଭିଆଲ୍ ପରି ଏଥିରେ ବିଭିନ୍ନ ପନିପରିବା ବ୍ୟବହୃତ ହୋଇଥାଏ । ମୌଳିକ ପାର୍ଥକ୍ୟ ହେଉଛି ସମ୍ବର ହେଉଛି ଏକ ଡାଲି ଭିତ୍ତିକ ତରକାରି, ଯାହାକୁ କି ଭାତ ଉପରେ ଢ଼ଳା ଯାଇଥାଏ, ଯେତେବେଳେ କି ଆଭିଆଲ୍ ଏକ ନଡିଆ ଭିତ୍ତିକ ପାର୍ଶ୍ୱ ବ୍ୟଞ୍ଜନ ହୋଇଥାଏ ।
ସାମଗ୍ରୀ ଗୁଡିକ
- ½ କପ୍ ହରଡ ଡାଲି (ହଳଦିଆ ଡାଲି)
- ½ କପ୍ ମସୁର ଡାଲି (ଲାଲ ଡାଲି)
- 1 ବଡ଼ ଛଚିନ୍ଦ୍ରା
- 8 ଝୁଡଙ୍ଗ (ଆମରକା)
- 6ଟି ଭେଣ୍ଡି
- 6ଟି ଛୋଟ-ଆକାରର ଓଲୁଅ
- ଗୋଟିଏ ମଧ୍ୟମ ଆକାରର ବାଇଗଣ
- 150 ଗ୍ରାମ୍ କାକୁଡି
- 2 ସଜନାଛୁଇଁ
- 1 ମଧ୍ୟମ-ଆକାରର ଆଳୁ
- 1 ବଡ଼ ପିଆଜ
- 1 ଟମାଟୋ
- 10 ଛୋଟ ପିଆଜ
- 3 ଚାଚାମଚ୍ ସମ୍ବର ପାଉଡର
- 3 ଶୁଖିଲା ଲଙ୍କା
- ¼ କପ୍ ତେନ୍ତୁଳି ରସ
- 3 ଚାଚାମଚ୍ ତେଲ
- 1 ଚାଚାମଚ୍ ସୋରିଷ
- 1 ଏକ ଚିମୁଟା ହେଙ୍ଗୁ
- ଲୁଣ
- ଭୃଷଙ୍ଗ ପତ୍ର
- ଧନିଆ ପତ୍ର
ପ୍ରସ୍ତୁତି ପଦ୍ଧତି
ସବୁ ପନିପରିବାକୁ ପ୍ରେସରକୁକରରେ ରଖନ୍ତୁ । ଡାଲି, ହଳଦି, ଲୁଣ ଏବଂ ପନିପରିବାକୁ ଢ଼ାଙ୍କିବା ପାଇଁ ଯଥେଷ୍ଟ ହେଉଥିବା ପାଣି ମିଶାନ୍ତୁ । ହୁଇସିଲ୍ ଶୁଣିବା ପର୍ଯ୍ୟନ୍ତ ଅଧିକ ଆଞ୍ଚରେ ରାନ୍ଧନ୍ତୁ । ତାହା ପରେ ତୁରନ୍ତ ଚୁଲା ଲିଭାଇ ଦିଅନ୍ତୁ ଏବଂ ପ୍ରେସର ବାହାରିଯିବା ପର୍ଯ୍ୟନ୍ତ ହଲଚଲ କରନ୍ତୁ ନାହିଁ ।
ଯେତେବେଳେ ପ୍ରେସର ବାହାରିଯାଏ, କୁକର ଖୋଲନ୍ତୁ । 2 କିମ୍ବା 3 ଚାଆ ଚାମଚ ସମ୍ବର ପାଉଡର, ତେନ୍ତୁଳି ରସ ଏବଂ ହେଙ୍ଗୁ ପକାନ୍ତୁ ।
ଗୋଳାଇ ଦିଅନ୍ତୁ । ଏହି ମିଶ୍ରଣକୁ ଦୁଇ ମିନିଟ୍ ପର୍ଯ୍ୟନ୍ତ ଗରମ କରନ୍ତୁ । ସୋରିଷ, ଶୁଖିଲା ଲଙ୍କା ଏବଂ ଭୃଷଙ୍ଗ ପତ୍ର ତେଲରେ ଫୁଟାଇ ଦିଅନ୍ତୁ । ଏହାକୁ କୁକରରେ ଥିବା ସମ୍ବରରେ ଢ଼ାଳି ଧନିଆପତ୍ରରେ ସଜାଇ ପରଷନ୍ତୁ ।
ରନ୍ଧନବିଧି ପ୍ରସ୍ତୁତି ଶ୍ରୀମତୀ ଲିଲା ବେଣୁ କୁମାର
ଟେଲିଫୋନ୍: +919895534383
ଇ-ମେଲ୍: devoo_07@yahoo.co.in
