ଏହି ପାରିପୁ କିମ୍ବା ଡାଲ୍, ପାରିପୁ ତରକାରି ହେଉଛି ଭାରତୀୟ ଆହାରର ଏକ ଅଭିଛେଦ ଅଂଶ । ଭାରତରେ ଯେ କୌଣସି ବର୍ଗ ବା ଜାତିର ହୁଅନ୍ତୁ ଡାଲି ନିଶ୍ଚୟ ଆପଣଙ୍କ ସାପ୍ତାହିକ ତାଲିକାର ଅଂଶ ହୋଇଥାଏ । ଏହା ତିଆରି କରିବା ସହଜ ହୋଇଥାଏ ଏବଂ ଏହା ଅରୁଆ ଭାତ, ଉଷୁନା ଭାତ ଓ ରୁଟି ସହିତ ଖାଇବାକୁ ଭଲ ଲାଗେ ।
ଆସନ୍ତୁ ଏବେ ନଡିଆ-ଭିତ୍ତିକ କେରଳୀ ଡାଲି ତିଆରି ଜାଣିବା ।
ଉପାଦାନଗୁଡିକ
- ½ କପ୍ ଫାଳ ମୁଗଡାଲି
- 1 କପ୍ ନଡିଆ କୋରା
- 3 ବୁଦା ରସୁଣ
- 3 ଚାଆଚାମଚ ନଡିଆ ତେଲ
- 2 ଚାଆ ଚାମଚ ଘିଅ
- ½ ଚାଆ ଚାମଚ ଜିରା
- ¼ ଚାଆ ଚାମଚ ହଳଦିଗୁଣ୍ଡ
- ଭୃଷଙ୍ଗ ପତ୍ର
ପ୍ରସ୍ତୁତି ପଦ୍ଧତି
ଏକ ମୋଟା ତଳ ଥିବା କଡାଇରେ ଘିଅ ଗରମ କରନ୍ତୁ । ଏବେ ମୁଗଡାଲିକୁ ହାଲ୍କା ବାଦାମୀ ରଂଗ ହେବା ଯାଏଁ ଭାଜନ୍ତୁ ।
ଗୋଟିଏ ପାତ୍ରରେ ଦୁଇ କପ୍ ପାଣି ଫୁଟାନ୍ତୁ । ଏଥିରେ ଭଜା ହୋଇଥିବା ମୁଗଡାଲି ମିଶାଇ ସିଝିବା ଯାଏଁ ରାନ୍ଧନ୍ତୁ । ଯଦି ଏହା ଖୁବ୍ ବହଳିଆ ହୋଇଥାଏ, ଏଥିରେ କିଛି ପାଣି ମିଶାଇ ପତଳା କରିଦିଅନ୍ତୁ । ସିଝିଥିବା ଡାଲିକୁ ଭଲ ଭାବରେ ଘୋରି ଦିଅନ୍ତୁ ଏବଂ ଲୁଣ ଓ ହଳଦିଗୁଣ୍ଡ ମିଶାନ୍ତୁ ।
ଭଲ ଭାବରେ ଗୋଳାଇ ଦିଅନ୍ତୁ । ନଡିଆ କୋରା, ଜିରା ଏବଂ ରସୁଣକୁ ଏକାଠି ବାଟି ଦିଅନ୍ତୁ । ଡାଲି ଘୋରାରେ ଟିକେ ପାଣି ଦେଇ ବଟା ହୋଇଥିବା ମିଶ୍ରଣ ମିଶାଇ ଦିଅନ୍ତୁ ।
ଏହାକୁ ଚୁଲିରେ ବସାନ୍ତୁ ଏବଂ କିଛି ମିନିଟ୍ ପାଇଁ ଫୁଟାନ୍ତୁ ଯେପରି କି ଭଲ ଭାବରେ ଗୋଳାଇ ହୋଇଯିବ । ତାହା ପରେ ଡାଲିକୁ ଚୁଲିରୁ ଓହ୍ଲାଇ ଆଣି ସେଥିରେ ନଡିଆ ତେଲ ଓ ଭୃଷଙ୍ଗ ପତ୍ର ପକାନ୍ତୁ । ଭଲ ଭାବରେ ଗୋଳାଇ ଦିଅନ୍ତୁ ।
ରନ୍ଧନବିଧି ପ୍ରସ୍ତୁତି ଶ୍ରୀମତୀ ଲିଲା ବେଣୁ କୁମାର
ଟେଲିଫୋନ୍: +91 9895534383
ଇ-ମେଲ୍: devoo_07@yahoo.co.in
