ଏହି ଭିଡିଓ ଘିଅ ଅନ୍ନରେ ପ୍ରସ୍ତୁତି ଦର୍ଶାଏ ।
ଉପାଦାନଗୁଡିକ
- ବିରିଆନି ଚାଉଳ- 2 କପ୍
- ଘିଅ - 5 ରୁ 6 ଚା ଚାମଚ
- କାଜୁ ବାଦାମ - ½ କପ୍
- ଲବଙ୍ଗ- 4 ରୁ 5 ଟି
- ଗୋଲମରିଚଗୁଣ୍ଡ – 4ରୁ 5ଟି
- ରେଜିନ୍ସ - ¼ କପ୍
- ଅଦା ବଟା - 1 ଚା ଚାମଚ
- ରସୁଣ ବଟା - 1 ଚା ଚାମଚ
- ଲେମ୍ବୁ ରସ
- ପିଆଜ (କଟା ହୋଇଥିବା) - 2 ଟି
- ତେଜପତ୍ର- 2ଟି
- ଗୁଜୁରାତି- 4ଟି
- ଡାଲଚିନି- 2 ଖଣ୍ଡ
- କଟା ଧନିଆପତ୍ର ¼ କପ୍
- ଲୁଣ- ସ୍ୱାଦ ଅନୁଯାୟୀ
- ପାଣି- 3½ କପ୍
ପ୍ରସ୍ତୁତି ପଦ୍ଧତି
ଚାଉଳକୁ ଧୋଇ ଛାଣି ଦିଅନ୍ତୁ ଏବଂ ଅଲଗା ରଖନ୍ତୁ । ଗୋଟିଏ କଡାଇରେ ତିନି ଚା ଚାମଚ ଘିଅ ଗରମ କରନ୍ତୁ । ଏଥିରେ କାଜୁ ବାଦାମ ପକାନ୍ତୁ ଏବଂ ବାଦାମୀ ହେବା ପର୍ଯ୍ୟନ୍ତ ଭାଜନ୍ତୁ । କାଜୁ ବାଦାମ ବାହାର କରିଦିଅନ୍ତୁ ରେସିନ୍ (କିସ୍ମିସ)ଗୁଡିକ ସହିତ ଏହି ପଦ୍ଧତି ପୁଣି କରନ୍ତୁ ।
ଗୋଟିଏ କଡାଇରେ କିଛି ଘିଅ ଗରମ କରନ୍ତୁ । ଏବେ ବଡ଼ ପିଆଜ ଖଣ୍ଡଗୁଡିକ ଓ ଲୁଣ ପକାନ୍ତୁ । ଗୋଳାନ୍ତୁ ଏବଂ ବାଦାମୀ ରଂଗ ହେବା ପର୍ଯ୍ୟନ୍ତ ଭାଜନ୍ତୁ । ଭଜା କାଜୁ ଓ କିସମିସ ରହିଥିବା ଥାଳିରେ ଏହାକୁ ରଖନ୍ତୁ ।
ଆଉ ଟିକେ ଘିଅ ନିଅନ୍ତୁ ଓ ଏକ ବଡ଼ ପାତ୍ରରେ ଗରମ କରନ୍ତୁ । ସେଥିରେ ଲବଙ୍ଗ ଓ ତାହା ପରେ ଡାଲିଚିନି, ଗୁଜୁରାତି, ଗୋଲମରିଚ ଗୁଣ୍ଡ ଏବଂ ଅଦା-ରସୁଣ ବଟା ପକାନ୍ତୁ । ଏଥିରେ ବଡ଼ ବଡ଼ ପିଆଜ ଖଣ୍ଡ ପକାନ୍ତୁ ଓ ଟିକେ ଗୋଳାଇ ଦିଅନ୍ତୁ । ଆପଣ ବର୍ତ୍ତମାନ ପୂର୍ବରୁ ଧୋଇ ଛାଣି ରଖିଥିବା ଚାଉଳ ପକାଇପାରିବେ । ଭଲ ଭାବରେ ଗୋଳାଇ ଦେଇ ଲୁଣ ପକାନ୍ତୁ । ଏବେ ଧନିଆ ପତ୍ର ପକାଇ ଆଉ ଥରେ ଗୋଳାନ୍ତୁ । କିଛି ତେଜପତ୍ର ଛିଣ୍ଡାଇ ପକାନ୍ତୁ ଓ ଚାଉଳକୁ ସଂପୂର୍ଣ୍ଣ ଢ଼ାଙ୍କିବା ପର୍ଯ୍ୟନ୍ତ ପାଣି ଦିଅନ୍ତୁ । ଧୀରେ ଧୀରେ ଗୋଳାନ୍ତୁ ଓ ପାତ୍ରଟି ଢ଼ାଙ୍କି ଦିଅନ୍ତୁ । 5 ମିନିଟ୍ ପର୍ଯ୍ୟନ୍ତ ରାନ୍ଧନ୍ତୁ ।
ପାତ୍ରର ଢ଼ାଙ୍କୁଣୀ ବାହାର କରିଦିଅନ୍ତୁ ଓ କିଛି ଲେମ୍ବୁ ରସ ପକାନ୍ତୁ । ଭଲ ଭାବରେ ଗୋଳାଇ ଦିଅନ୍ତୁ ।
କାଜୁ ବାଦାମ, ରେଜିନ୍, ପିଆଜ ଭଜା ପକାଇ ସଜାଇ ଦିଅନ୍ତୁ ଓ ଏହି ଗରମ ଗରମ ଘିଅ ଭାତ ପରଷନ୍ତୁ ।