ചാമ്പ്യൻസ് ബോട്ട് ലീഗ്
ചാമ്പ്യന്സ് ബോട്ട് ലീഗിലൂടെ കേരളത്തിലെ അതിസുന്ദരമായ കായലുകള്‍ ജനങ്ങളിലെ ആഘോഷ തിമിര്പ്പിന് കാരണമായിരിക്കുന്നു. ഈ മഹാ ജലോത്സവത്തില് അതിവേഗതയോടെ കായല്‍ ജലം മുറിച്ചു മുന്നോട്ടു കുതിക്കുന്ന...
ചാമ്പ്യന്സ് ബോട്ട് ലീഗിലൂടെ കേരളത്തിലെ അതിസുന്ദരമായ കായലുകള്‍ ജനങ്ങളിലെ ആഘോഷ തിമിര്പ്പിന് കാരണമായിരിക്കുന്നു. ഈ മഹാ ജലോത്സവത്തില് അതിവേഗതയോടെ കായല്‍ ജലം മുറിച്ചു മുന്നോട്ടു കുതിക്കുന്ന...
| Match | Date | Winner |
|---|---|---|
| Karuvatta, Alappuzha | 19/09/2026 |
Aroma Chundan Aroma Boat Club |
| Kallada, Kollam | 23/09/2026 |
Aroma Chundan Aroma Boat Club |
| Pandanad, Alappuzha | 26/09/2026 |
Melpadom Chundan Pallathuruthy Boat Club |
| Kottappuram, Thrissur | 04/10/2026 |
Melpadom Chundan Pallathuruthy Boat Club |
| Marine Drive, Ernakulam | 10/10/2026 |
Melpadom Chundan Pallathuruthy Boat Club |
| Piravom, Ernakulam | 17/10/2026 |
Melpadom Chundan Pallathuruthy Boat Club |
| Thazhathangadi, Kottayam | 24/10/2026 | |
| Pulinkunnu, Alappuzha | 31/10/2026 | |
| Kainakary, Alappuzha | 07/11/2026 | |
| Kayamkulam, Alappuzha | 14/11/2026 | |
| President's Trophy, Kollam | 21/11/2026 |
കേരളത്തിലെ പ്രകൃതി രമണീയമായ കായലുകളും അവയിലെ വള്ളംകളികളും, അവയുടെ ചരിത്രവും സംസ്‌കാരവും അറിയൂ...
കേരളത്തിലെ വള്ളംകളിയുടെ കേന്ദ്രം എന്നറിയപ്പെടുന്നത്‌ ആലപ്പുഴയാണ്‌. കായലുകള്‍, നദികള്‍, തോടുകള്‍ (കനാലുകള്‍) അറേബ്യന്‍ മഹാസമുദ്രത്തിന്റെ സാമീപ്യം ഇവയെല്ലാം കൊണ്ട്‌ 'കിഴക്കിന്റെ വെനീസ്‌' എന്ന പേര്‌ ആലപ്പുഴയ്‌ക്ക്‌ അന്വര്‍ത്ഥമാണ്‌. അതുകൊണ്ടു തന്നെ അവരുടെ ജീവിതത്തില്‍ വെള്ളവും വള്ളവും ഒഴിച്ചു കൂടാന്‍ പറ്റാത്തതാണ്‌. പുന്നമടക്കായല്‍, വേമ്പനാട്ടു കായല്‍, കായംകുളം കായല്‍ എന്നീ കായലുകളാലും മണിമലയാര്‍, അച്ചന്‍ കോവിലാര്‍, പമ്പാനദി എന്നീ നദികളാലും, മറ്റ് വന്‍ തോടുകളാലും (കനാലുകളാലും) സമ്പന്നമായ ആലപ്പുഴ വള്ളംകളിക്കു പറ്റിയ വേദിയാണെന്നതില്‍ സംശയമില്ല. ചാമ്പ്യന്സ് ബോട്ട് ലീഗില്‍ ഉള്‍പ്പെട്ട നെഹ്‌റു ട്രോഫി, കരുവാറ്റ, കൈനകരി, പുളിങ്കുന്ന്, കായംകുളം എന്നീ അഞ്ചു വള്ളംകളികള്‍ക്ക്‌ കേന്ദ്രമാകുന്നത്‌ ആലപ്പുഴയിലെ വിവിധ ജലാശയങ്ങളാണ്‌. ഇതു കൂടാതെ ചമ്പക്കുളം, നീരാറ്റുപുറം, പായിപ്പാട്‌, പാണ്ടനാട്‌ വള്ളംകളികളും നടക്കുന്നത്‌ ഈ ആലപ്പുഴയില്‍ തന്നെ. കേരളത്തിന്റെ പാരമ്പര്യ-സംസ്‌കാരങ്ങള്‍ തിരിച്ചറിയാനും വള്ളംകളിയുടെ ആഘോഷതിമിര്‍പ്പു കണ്ടറിയാനും ആഗസ്റ്റ് - സെപ്‌റ്റംബര്‍ മാസത്തില്‍ നടക്കുന്ന ഓണാഘോഷ കാലത്ത്‌ ആലപ്പുഴ സന്ദര്‍ശനത്തിലൂടെ സാധിക്കും.
കൊല്ലം ജില്ലയിലെ വളരെ ആകര്‍ഷകവും, വിദേശി-സ്വദേശികള്‍ക്ക്‌ ഏറെ നയനാന്ദകരവുമാണ്‌ അഷ്ടമുടിക്കായല്‍. ചാമ്പ്യന്സ് ബോട്ട് ലീഗിന്റെ അവസാന മത്സരമായ പ്രസിഡന്റ്സ് ട്രോഫി മത്സരം നടക്കുന്നത്‌ ഈ അഷ്ടമുടിക്കായലിലാണ്‌. നെഹ്‌റു ട്രോഫി കഴിഞ്ഞാല്‍ ഏറ്റവും വലിയ സമ്മാനത്തുക നല്‍കുന്ന മത്സരമെന്ന പ്രത്യേകതയും പ്രസിഡന്റ്സ് ട്രോഫിക്കുണ്ട്‌. ഇവിടുത്തെ 1200 മീറ്റര്‍ നീളമുള്ള മത്സരപ്പാത തേവള്ളിപ്പാലം മുതല്‍ KSRTC ബസ്‌ സ്റ്റേഷന് വരെ നീണ്ടു കിടക്കുന്നതാണ്‌.എളുപ്പത്തില്‍ എത്തിച്ചേരാവുന്ന അതിസുന്ദരമായ അഷ്ടമുടിക്കായലിനു സമീപം ആഡംബര വാസസ്ഥലങ്ങളും ഒപ്പം ഹോംസ്‌റ്റേ സൗകര്യങ്ങളും അനുയോജ്യമായ താരിഫുകളില്‍ കിട്ടുമെന്നതും സന്ദര്‍ശകരെ ആകര്‍ഷിക്കുന്നു.തിരുവനന്തപുരം അന്തര്‍ദ്ദേശീയ വിമാനത്താവളത്തില്‍ നിന്നും 71 കിലോമീറ്ററും കൊല്ലം റെയില്‍വേ സ്റ്റേഷനില് നിന്നും 18 കിലോമീറ്ററും കൊല്ലം കെ.എസ്‌.ആര്‍.ടി.സി. ബസ്‌ സ്റ്റാന്ഡില് നിന്നും 15 കിലോമീറ്ററുമാണ്‌ അഷ്ടമുടിക്കായലിലേക്കുള്ള ദൂരം.
ചാമ്പ്യന്സ് ബോട്ട് ലീഗിലെ ഏറ്റവും അഭിമാനകരമായ നെഹ്‌റു ട്രോഫി വള്ളംകളി നടക്കുന്ന പുന്നമടക്കായല്‍ ആലപ്പുഴയിലെ അതി മനോഹരമായ തടാകമാണ്‌. സി.ബി.എല്‍. സീസണിന്റെ തുടക്കം കുറിക്കുന്ന ഇവിടുത്തെ മത്സരത്തില്‍ വിജയിച്ച്‌ ട്രോഫി നേടുക എന്നത്‌ ഓരോ ചുണ്ടന്‍ വള്ളം ഉടമയുടെയും ക്ലബ്ബിന്റെയും സ്വപ്‌നവും അഭിമാനവുമാണ്‌.കേരളത്തിലെ ഏറ്റവും വലുതും നീളമുള്ളതുമായ വേമ്പനാട്ടു കായലിന്റെ ഭാഗമാണ്‌ പുന്നമടക്കായല്‍.കേരളത്തിന്റെ ഗ്രാമീണ സൗന്ദര്യം തൊട്ടറിയാന്‍ കഴിയുന്ന ഒരിടമാണ്‌ പുന്നമട. റോഡു മാര്‍ഗ്ഗവും ജലമാര്‍ഗ്ഗവും യാതൊരു ബുദ്ധിമുട്ടും കൂടാതെ എത്താന്‍ കഴിയുന്ന പുന്നമടയില്‍ വളരെ സൗകര്യപ്രദമായ താമസ സ്ഥലങ്ങളുമുണ്ട്‌.കൊച്ചി അന്തര്‍ദേശീയ വിമാനത്താവളത്തില്‍ നിന്ന്‌ ഏകദേശം 83 കിലോമീറ്ററും ആലപ്പുഴ റെയില്‍വേ സ്റ്റേഷനില് നിന്ന്‌ ഏകദേശം 7 കിലോമീറ്ററും ആലപ്പുഴ ബസ്‌ സ്റ്റാന്ഡില് നിന്ന്‌ ഏകദേശം 3 കിലോമീറ്ററും ദൂരമുണ്ട്‌ പുന്നമടക്കായലിലേക്ക്‌.
മെട്രോ നഗരത്തിലെ ജനങ്ങളുടെയും, കൊച്ചി സന്ദര്‍ശിക്കുന്ന ഇതര ജില്ലക്കാരുടെയും ഒരു പ്രധാന കേന്ദ്രമാണ്‌ കൊച്ചിയിലെ മറൈന്‍ ഡ്രൈവ്. ഓണക്കാലത്തു നടക്കുന്ന മറൈന്‍ ഡ്രൈവ് വള്ളംകളി മത്സരവും ഇവിടെയാണ്‌. ചാമ്പ്യന്സ് ബോട്ട് ലീഗിന്റെ ഭാഗമാണ്‌ ഈ വള്ളംകളിയും. അടിയൊഴുക്കുള്ള, അതേസമയം ആഴമില്ലാത്തതുമായ ഇവിടുത്തെ മത്സര പാത, പങ്കെടുക്കുന്നവര്‍ക്ക്‌ വെല്ലുവിളിയാണ്‌. അതിനാല്‍ തുഴയുന്നവരുടെ കഴിവും ശക്തിയും ഇതിലുള്ള അറിവും അനുസരിച്ചാണ്‌ വിജയിക്കുക.മൂന്നു കിലോമീറ്റര്‍ ദൂരമുള്ള മറൈന്‍ ഡ്രൈവില്‍ നില്‌ക്കുമ്പോള്‍ കാണുന്ന വേമ്പനാട്ടു കായലിന്റെ ഭാഗമായ കൊച്ചി കായലും തുറമുഖവും അതിസുന്ദരമായ കാഴ്‌ചയാണ്‌. റെയ്‌ന്‍ബോ പാലം, ചീനവലപ്പാലം, ഹൗസ്‌ ബോട്ട് പാലം, ഷോപ്പിങ്‌ കേന്ദ്രങ്ങള്‍, ഭക്ഷണശാലകള്‍ എന്നിവയാല്‍ ഇവിടുത്തെ നടപ്പാതയോരം സമൃദ്ധമാണ്‌.കൊച്ചി അന്തര്‍ദ്ദേശീയ വിമാനത്താവളം ഏകദേശം 34 കിലോമീറ്റര്‍ ദൂരെയും എറണാകുളം ജംങ്‌ഷന്‍ റെയില്‍വേ സ്റ്റേഷന് ഏകദേശം 3 കിലോമീറ്റര്‍ ദൂരെയും എറണാകുളം ടൗണ്‍ റെയില്‍വേ സ്റ്റേഷന് ഏകദേശം 3 കിലോമീറ്റര്‍ ദൂരെയും മറൈന്‍ ഡ്രൈവ് ബസ്‌ സ്റ്റോപ്‌, എം.ജി. റോഡ്‌ മെട്രോ സ്റ്റേഷന് എന്നിവ ഒരു കിലോമീറ്റര്‍ ദൂരെയുമാണ്‌.
തൃശ്ശൂര്‍ ജില്ലയിലെ മനോഹരമായ കോട്ടപ്പുറം എന്ന ചെറു ഗ്രാമം മുസിരീസ്‌ എന്നു പേരുള്ള പ്രാചീന തുറമുഖ നഗരമായാണ്‌ അറിയപ്പെടുന്നത്‌. പണ്ട്‌ കേരളത്തിന്റെ അന്തര്‍ദേശീയ വ്യാപാര കേന്ദ്രമായിരുന്ന ഈ തുറമുഖ പട്ടണം കൊടുങ്ങല്ലൂരില്‍ നിന്നും 5 കിലോമീറ്റര്‍ ദൂരെയാണ്‌. ഇവിടെയാണ്‌ ചാമ്പ്യന്സ് ബോട്ട് ലീഗിന്റെ കടുത്ത വള്ളംകളി മത്സരം നടക്കുന്ന കോട്ടപ്പുറം - കൊടുങ്ങല്ലൂര്‍ കായല്‍. കല്ലു പാകിയ നടപ്പാതകളും, കായല്‍ക്കരയിലെ ഇരിപ്പിടങ്ങളും, ചെറിയ തട്ടുകടകളും, ഭക്ഷണശാലകളും കേരളത്തിന്റേതായ രുചി വൈവിധ്യങ്ങള്‍ ലഭ്യമാകുന്ന തെരുവുകളും കൊണ്ട്‌ സന്ദര്‍ശകരുടെ ആകര്‍ഷക കേന്ദ്രമായി ഇവിടം മാറിയിട്ടുണ്ട്‌.കോട്ടപ്പുറത്തേക്ക്‌ എത്തിച്ചേരാന്‍ കൊച്ചി അന്തര്‍ദേശീയ വിമാനത്താവളത്തില്‍ നിന്ന്‌ ഏകദേശം 26 കിലോമീറ്ററും ആലുവ സ്റ്റേഷനില് നിന്ന്‌ ഏകദേശം 27 കിലോമീറ്ററും കൊടുങ്ങല്ലൂര്‍ ബസ്‌ സ്‌റ്റാന്റില്‍ നിന്ന്‌ ഏകദേശം 4 കിലോമീറ്ററും യാത്ര ചെയ്യണം.
ചാമ്പ്യന്സ് ബോട്ട് ലീഗിന്റെ വേദി മനോഹരമായ മൂവാറ്റുപുഴ ആറ്റിലെ പിറവം എന്ന സ്ഥലത്താണ്‌. പിറവം ഗ്രാമം എറണാകുളം ജില്ലയിലാണെങ്കിലും കോട്ടയം ജില്ലയുമായി അതിര്‍ത്തി പങ്കിടുന്നു.ബോട്ട് ലീഗിലെ ബുദ്ധിമുട്ടേറിയ മത്സരമാണ്‌ ഇവിടത്തേത്‌. മതമൈത്രിയോടൊപ്പം പച്ചപ്പു നിറഞ്ഞ നെല്‍വയലുകളും ആകര്‍ഷകമായ ചെറുകുന്നുകളും നദികളും കൊണ്ടു പ്രകൃതി സൗന്ദര്യം നിറഞ്ഞ ഈ പ്രദേശം കാഴ്‌ചക്കാരുടെ ഹൃദയം കീഴടക്കും.കൊച്ചി അന്തര്‍ദേശീയ വിമാനത്താവളത്തില്‍ നിന്നും ഏകദേശം 45 കിലോമീറ്റര്‍, ത്രിപ്പൂണിത്തുറ റെയില്‍വേ സ്റ്റേഷനില് നിന്നും ഏകദേശം 23 കിലോമീറ്റര്‍, പിറവം ബസ്‌ സ്റ്റാന്ഡില് നിന്നും ഏകദേശം 4 കിലോമീറ്റര്‍ എന്നിങ്ങനെയാണ്‌ ഇവിടേയ്‌ക്കുള്ള ദൂരം.
കോട്ടയം നഗരത്തില്‍ നിന്നും വെറും 2 കിലോമീറ്റര്‍ ദൂരെയാണ്‌ ചരിത്ര പ്രധാനമായ താഴത്തങ്ങാടി. ചാമ്പ്യന്സ് ബോട്ട് ലീഗിലെ പ്രധാന മത്സരങ്ങളില്‍ ഒന്നായ ഈ മത്സരം നടക്കുന്നത്‌ താഴത്തങ്ങാടിയിലെ മീനച്ചിലാറിലാണ്‌. 17 - 18 നൂറ്റാണ്ടുകളില്‍ തെക്കുംകൂര്‍ രാജാക്കന്മാരുടെ കാലത്ത്‌ വാണിജ്യ-വ്യവസായ കേന്ദ്രമായിരുന്ന താഴത്തങ്ങാടിയ്‌ക്ക്‌ നൂറ്റാണ്ടുകളുടെ ബന്ധമാണ്‌ വള്ളംകളിയുമായുള്ളത്‌.താഴത്തങ്ങാടിയിലേക്ക്‌ കൊച്ചി അന്തര്‍ ദേശീയ വിമാനത്താവളത്തില്‍ നിന്നും ഏകദേശം 83 കിലോമീറ്റര്‍ ദൂരവും കോട്ടയം റെയില്‍വേ സ്റ്റേഷനില് നിന്നും ഏകദേശം 7 കിലോമീറ്റര്‍ ദൂരവും കോട്ടയം കെ.എസ്‌.ആര്‍.ടി.സി. ബസ്‌ സ്റ്റാന്ഡില് നിന്നും ഏകദേശം 6 കിലോമീറ്റര്‍ ദൂരവും സ്വകാര്യ ബസ്‌ സ്റ്റാന്ഡില് നിന്നും ഏകദേശം 5 കിലോമീറ്റര്‍ ദൂരവുമാണുള്ളത്‌.
ആലപ്പുഴ ജില്ലയിലെ സുന്ദരമായ ചിത്രം പോലെയുള്ള പ്രദേശമാണ്‌ പുളിങ്കുന്ന്. അന്തരിച്ച മുന്‍ പ്രധാനമന്ത്രി രാജീവ്‌ ഗാന്ധിയുടെ സ്‌മരണാര്‍ത്ഥം പമ്പാ നദിയില്‍ നടത്തുന്ന പുളിങ്കുന്ന് വള്ളംകളി ഏറെ നയനാനന്ദകരവും ചാമ്പ്യന്സ് ബോട്ട് ലീഗില്‍ ഉള്‍പ്പെട്ടതുമാണ്‌.കേരളത്തിലെ ഗ്രാമീണ ജീവിതത്തിന്റെ നേര്‍കാഴ്‌ച പകരാന്‍ ഈ ഗ്രാമത്തിനു കഴിയുന്നുണ്ട്‌. സന്ദര്‍ശകര്‍ക്ക്‌ ഇവിടെയുള്ള ഗൃഹങ്ങളിലും മറ്റുവാസ സ്ഥലങ്ങളിലും താമസിച്ച്‌ ഇവിടുത്തെ ജീവിതം ആസ്വദിക്കാനുള്ള അവസരം ലഭിക്കുന്നു.കൊച്ചി അന്തര്‍ദ്ദേശീയ വിമാനത്താവളത്തില്‍ നിന്നും ഏകദേശം 100 കിലോമീറ്റര്‍, ആലപ്പുഴ റെയില്‍വേ സ്റ്റേഷനില് നിന്നും ഏകദേശം 17 കിലോമീറ്റര്‍, ആലപ്പുഴ ബസ്‌ സ്റ്റാന്ഡില് നിന്നും ഏകദേശം 18 കിലോമീറ്റര്‍ ദൂരമാണ്‌ ഇവിടേക്കുള്ളത്‌. പുളിങ്കുന്നില്‍ നിന്നും ഏകദേശം 18 കിലോമീറ്റര്‍ ദൂരമുള്ള ആലപ്പുഴ നഗരത്തിലേക്ക്‌ ബോട്ട് സര്‍വ്വീസും ലഭിക്കും.
ആലപ്പുഴ ജില്ലയില്‍ ഗ്രാമീണ ചിത്രം പോലെ സുന്ദരമായ കൈനകരി, പരമ്പരാഗത ചുണ്ടന്‍ വള്ളംകളിക്ക്‌ ഏറെ പ്രശസ്‌തമാണ്‌. ചാമ്പ്യന്സ് ബോട്ട് ലീഗിന്റെ ഭാഗമായ കൈനകരി വള്ളംകളി, ഇവിടുത്തെ കായലുകളിലാണ്‌ നടത്തുന്നത്‌. പച്ചപുതച്ച നെല്‍പ്പാടങ്ങളാലും വിവിധ തരത്തിലുള്ള ജലാശയങ്ങളാലും സമ്പന്നമായ കൈനകരി ഏവരും സന്ദര്‍ശിച്ചിരിക്കേണ്ട കേരളത്തിലെ സുന്ദരമായ ഗ്രാമമാണ്‌. പമ്പാനദി വേമ്പനാട്ടു കായലുമായി യോജിക്കുന്ന സ്ഥലം എന്നതാണ്‌ കൈനകരിയുടെ സവിശേഷത.കൈനകരിയിലേക്ക്‌, കൊച്ചി അന്തര്‍ദ്ദേശീയ വിമാനത്താവളത്തില്‍ നിന്നും ഏകദേശം 94 കിലോമീറ്ററും ചങ്ങനാശ്ശേരി റെയില്‍വേ സ്റ്റേഷനില് നിന്നും ഏകദേശം 23 കിലോമീറ്ററും ആലപ്പുഴ ബസ്‌ സ്റ്റാന്ഡില് നിന്നും ഏകദേശം 8 കിലോമീറ്ററും ദൂരമുണ്ട്‌. ആലപ്പുഴ ബസ്‌ സ്റ്റാന്‍ഡിനടുത്തുള്ള ബോട്ട് ജെട്ടിയില്‍ നിന്നും കൈനകരിയിലേക്ക്‌ ബോട്ടില്‍ പോകാനുള്ള ദൂരം ഏകദേശം 10 കിലോമീറ്ററാണ്‌.
കോഴിക്കോടിന്റെ ചരിത്രമുറങ്ങുന്ന പ്രാചീന പ്രകൃതി ദൃശ്യങ്ങളാല്‍ സുന്ദരവുമായ ബേപ്പൂര്‍, ചാമ്പ്യന്സ് ബോട്ട് ലീഗിന്റെ വടക്കന്‍ കേരളത്തിലെ ഒരേ ഒരു വേദിയാണ്‌. നൂറ്റാണ്ടുകള്‍ പഴക്കമുള്ള ഉരു എന്ന തടിക്കപ്പല്‍ നിര്‍മ്മാണത്തിനു പേരു കേട്ട ബേപ്പൂര്‍ വിനോദ സഞ്ചാരത്തിന്റെ പ്രധാന കേന്ദ്രമാണ്‌. ചാലിയാര്‍ നദിയില്‍ പുതിയതും പഴയതുമായ ഫറോക്‌ പാലങ്ങളുടെ ഇടയിലാണ്‌ വള്ളംകളി നടത്തുക. അറേബ്യന്‍ സമുദ്രം, ചാലിയാര്‍ നദി, കടലുണ്ടിപ്പുഴ, കല്ലായിപ്പുഴ എന്നിവയുടെ സാമീപ്യത്താല്‍ മനോഹരമാണ്‌ ഈ സ്ഥലം. ഇന്ത്യയിലെ തന്നെ വലുതും പ്രശസ്‌തവുമായ ബേപ്പൂര്‍ ജലോത്സവത്തിന്റെ വേദിയാണിത്‌.കോഴിക്കോട്‌ അന്തര്‍ദ്ദേശീയ വിമാനത്താവളത്തില്‍ നിന്നും ഏകദേശം 22 കിലോമീറ്ററും ഫറോക്‌ റെയില്‍വേ സ്റ്റേഷനില് നിന്നും ഏകദേശം 6 കിലോമീറ്ററും ബേപ്പൂര്‍ ബസ്‌ സ്റ്റാന്ഡില് നിന്നും ഏകദേശം 650 മീറ്ററും യാത്ര ചെയ്‌താല്‍ ബേപ്പൂരിലെ ഈ സ്ഥലത്തെത്താം.
ചാമ്പ്യന്സ് ബോട്ട് ലീഗ് ഒരു കനാലില്‍ നടത്തുന്ന ഒരേ ഒരു വള്ളംകളിയുടെ വേദിയാണ്‌ ആലപ്പുഴയില്‍ ഹരിപ്പാട്‌ താലൂക്കിലെ കരുവാറ്റ.അറബിക്കടലിലേക്ക്‌ എത്തിച്ചേരുന്ന അച്ചന്‍ കോവിലാറ്റിലെയും പമ്പാ നദിയിലേയും ജലം ഒരു തോട്ടിലൂടെ ഒഴുകുന്ന വഴിയിലാണ്‌ തോട്ടപ്പിള്ളി സ്‌പില്‍വേ സ്ഥിതി ചെയ്യുന്നത്‌. ഇവിടെ വച്ചാണ്‌ എല്ലാ വര്‍ഷവും വള്ളം കളി സംഘടിപ്പിക്കുന്നത്‌. നദികള്‍, കായലുകള്‍, കായലരികത്തുള്ള തെങ്ങിന്‍ തോട്ടങ്ങള്‍, പച്ചപ്പു നിറഞ്ഞ നെല്‍വയലുകള്‍ എന്നിവയാല്‍ പ്രകൃതി രമണീയമാണ്‌ ഈ ഗ്രാമം.കൊച്ചി അന്തര്‍ദ്ദേശീയ വിമാനത്താവളത്തില്‍ നിന്നും ഏകദേശം 104 കിലോമീറ്റര്‍ അകലെയുള്ള ഈ പ്രദേശത്തേക്ക്‌ ഹരിപ്പാട്‌ റെയില്‍വേ സ്റ്റേഷനില് നിന്നും ഏകദേശം 11 കിലോമീറ്ററും ഹരിപ്പാട്‌ ബസ്‌ സ്റ്റാന്ഡില് നിന്നും 11 കിലോമീറ്ററും ദൂരമുണ്ട്‌.
ആലപ്പുഴ ജില്ലയിലെ കായംകുളത്താണ്‌ ചുണ്ടന്‍ വള്ളങ്ങളുടെ ആദ്യ മത്സരം നടന്നിട്ടുള്ളത്‌. ചരിത്ര പ്രാധാന്യമുള്ള ഈ പട്ടണത്തിലെ കായംകുളം കായലില്‍ വച്ചാണ്‌ സി.ബി.എല്‍. മത്സരം നടക്കുന്നതും.കായംകുളം - ചെമ്പകശ്ശേരി രാജവംശങ്ങള്‍ തമ്മിലുള്ള കുടിപ്പകയാണ്‌ ചുണ്ടന്‍ വള്ളങ്ങളുടെ ഉത്ഭവത്തിനു കാരണം. ഈ രാജവംശങ്ങള്‍ തമ്മിലുള്ള ഏറ്റുമുട്ടലില്‍ യുദ്ധ വള്ളമായി ഈ ചുണ്ടന്‍ വള്ളങ്ങളായിരുന്നു ഉപയോഗിച്ചിരുന്നത്‌. പക്ഷിനിരീക്ഷകര്‍ക്കും പ്രകൃതി സ്‌നേഹികള്‍ക്കും അനുയോജ്യമായ ഇടമാണ്‌ കായംകുളം. ചരിത്ര പ്രാധാന്യമര്‍ഹിക്കുന്ന പല സ്‌മാരകങ്ങളും ഈ പട്ടണത്തില്‍ കാണാന്‍ സാധിക്കും.ഇവിടെ എത്താന്‍ തിരുവനന്തപുരം അന്തര്‍ദേശീയ വിമാനത്താവളത്തില്‍ നിന്നും ഏകദേശം 103 കിലോമീറ്ററും കായംകുളം റെയില്‍വേ സ്റ്റേഷനില് നിന്നും ഏകദേശം 7 കിലോമീറ്ററും കായംകുളം കെ.എസ്‌.ആര്‍.ടി.സി. ബസ്‌ സ്റ്റാന്ഡില് നിന്നും ഏകദേശം 6 കിലോമീറ്ററും യാത്ര ചെയ്യണം.
കല്ലട വള്ളംകളിക്ക്‌ പ്രശസ്‌തമായ മണ്‍റോ തുരുത്ത്‌ സ്ഥിതി ചെയ്യുന്നത്‌ കൊല്ലം ജില്ലയിലാണ്‌. ഓണവുമായി (ആഗസ്റ്റ് - സെപ്‌റ്റംബര്‍) ബന്ധപ്പെട്ടു നടത്തുന്ന വള്ളംകളി ചാമ്പ്യന്സ് ബോട്ട് ലീഗിന്റെ ഭാഗമാണ്‌.ചെറു ദ്വീപുകളുടെ കൂട്ടവും തെങ്ങിന്‍ തോപ്പുകളും നിറഞ്ഞതാണ്‌ മണ്‍റോ തുരുത്ത്‌. ഗ്രാമീണ റോഡുകളും, ഗ്രാമീണ ജീവിതവും നിറഞ്ഞ ഈ സ്ഥലത്തുള്ള കയര്‍ ഫാക്ടറികളും, നാട്ടുപാതകളിലൂടെ സൈക്കിളിലുള്ള യാത്രകളും സന്ദര്‍ശകരെ ആകര്‍ഷിക്കുമെന്നതില്‍ സംശയമില്ല.തിരുവനന്തപുരം അന്തര്‍ദ്ദേശീയ വിമാനത്താവളത്തില്‍ നിന്നും ഏകദേശം 80 കിലോമീറ്ററും കൊല്ലം ജംഗ്‌ഷന്‍ റെയില്‍വേ സ്റ്റേഷനില് നിന്നും ഏകദേശം 17 കിലോമീറ്ററും കൊട്ടാരക്കര കെ.എസ്‌.ആര്‍.ടി.സി. ബസ്‌ സ്റ്റാന്ഡില് നിന്നും ഏകദേശം 24 കിലോമീറ്ററും യാത്ര ചെയ്‌താല്‍ മണ്‍റോ തുരുത്തിലെത്താം.
ഈ മത്സരത്തിലെ വിജയികളിൽ ആദ്യ മൂന്ന് സ്ഥാനങ്ങൾ നേടുന്ന ഓരോരുത്തർക്കും ക്യാഷ് അവാർഡുകൾ ലഭിക്കും.
ചുണ്ടൻ പാമ്പിന്റെ ആകൃതിയോട് സാമ്യമുള്ളതിനാൽ പാമ്പ് വള്ളം എന്ന് വിളിക്കപ്പെടുന്ന ഇത് കേരളത്തിലെ പരമ്പരാഗത യുദ്ധ വള്ളമാണ്. നാട്ടുകാർ ഇതിനെ ചുണ്ടൻ വള്ളം എന്നാണ് വിളിച്ചിരുന്നത്.
കേരളത്തിലെ മറ്റു പ്രധാനപ്പെട്ട വള്ളംകളികളായ ആറന്മുള വള്ളംകളി, ചമ്പക്കുളം വള്ളംകളി തുടങ്ങിയവയെ കുറിച്ചറിയുക...
കേരളത്തിലെ വിനോദ സഞ്ചാര വകുപ്പ്‌ സംഘടിപ്പിച്ച സി.ബി.എല്ലിന്റെ നാലാംഘട്ടം സമൂഹത്തില് വന്‍ തിരയിളക്കമാണ് ഉണ്ടാക്കിയത്...
വിവിധ ബോട്ട് ക്ലബ്ബുകള് തമ്മിലുള്ള ചുണ്ടന്‍ വള്ളങ്ങളുടെ വാശിയേറിയ മത്സരമായ ചാമ്പ്യന്സ് ബോട്ട് ലീഗ് 2023-ന്റെ ആരംഭം ആഗസ്റ്റില് ആലപ്പുഴയിലെ പുന്നമടക്കായലില് വെച്ചായിരുന്നു.
കേരളത്തിലെ അഞ്ചു ജില്ലകളിലുള്ള 12 കേന്ദ്രങ്ങളില് വെച്ചാണ് സി.ബി.എല്‍.ന്റെ രണ്ടാം സീസണ് മത്സരം നടന്നത്‌.
കേരളത്തിന്റെ തനതായ വള്ളംകളി രംഗത്ത്‌ വലിയ മാറ്റം കൊണ്ടു വരാന്, പ്രഗത്ഭര്ക്കു നല്‍കുന്ന പരിശീലനത്തിലൂടെ സാധിക്കുമെന്ന ഉദ്ദേശ്യത്തോടെയാണ് സി.ബി.എല്ലിന് തുടക്കം കുറിച്ചത്.
